IMAMAT 9:22 - Alkitab Singog In Mongondow Masa In Tanaa
22 Naonda in mopaḷut mako noposumba in bayongan kuruban tatua, ki Harun nobingkat kon ḻimanea pinotayow kon bayongan umat Israel bo nomarakat kon i monia, bodongka sia moponag.
Ki Amram in ki amá i Harun bo i Musa. (Ki Harun bo buínea mononoi in sinantúdon monompia kon pakakat mita in ibada, motubá kon dupa kon i Tuhan, mogundoi kon i Tuhan bo momarakat kon rayat podoyon kon tangoi Tuhan.
Igumon mako ki datu in umuran tano-tano bo modapot in mononoi, bo sia in modugangdon totok tango-tangoion kon tungkuḷ in mata in singgai tantúpa oyúon. Igumon mako bangusa mita in mopoigum in barakat naonda bo sia, bo bayongan in intau moguman kon mosanang totok in sia.
Pinirikisa i Musa intua komintan bo inindoianneamai yo inaidan monia intua notongkai totok ná inta ain pinoki aid i Tuhan. Bo binarakatandon i Musa in mosia.
Nopaḷut mako kon tua, ki Yesus nodia kon i monia minayá iḷumuai kon kotá nodapot in Betania. Kon tua Sia nobingkat kon ḻima-Nea bo nomarakat kon i monia.
Tuamai in ki Allah nomiḻí kon simpaḷ-Nea, bo nopotabá kon i-Nia namangoi muna kon i monimu, sinbá Sia in momarakat kon i monimu. Nanaa in pomomarakat-Nea kon i monimu, pogogai-Neadon in moiko komintan in mogaid kon moraat ná inta biasamai aidan monimu.”
Kon buḷud tatua Ki Tuhan nopotondí in suku Lewi sin moindoi bo monompia kon Poti Dodandian bo mogundoi kon i Tuhan, bo mosingog kon barakat podoyon kon tangoi-Nea. Tuata in oaidan monia modapot kon tanaa mako.
Imang mita in Lewi musti doman mayá intua, sin mosia in musti monantú kon bayongan in pelekara popisí in aid inta moraat. Mosia tua in piniḻí i Tuhan Allahmu sin mogundoi kon i-Nia bo mosingog kon barakat podoyon kon tangoi-Nea.
Inta moraat donaaibí tuḻían onu inta moraat, ande aka sibáan yo donaaibí monuḻí monibá. Táe poigumbí sinbá barakatan i Allah in intau mita inta nomia natua kon i monimu. Sin ki Allah in nogoiní kon i monimu, sinbá motarima in moiko kon barakat-Nea.