IMAMAT 26:28 - Alkitab Singog In Mongondow Masa In Tanaa

²⁸ Dá tumorúdon totok in Akuoi poḷat mosambok kon i monimu, bo mohukum kon i monimu inta kobogat in hukuman tatua in kopitu nongkon ná inta ain pinopoaid-Ku kon i monimu.

IMAMAT 26:28 Mawu Ofanana

MAZMUR 79:12

O Tuhan, tuḻíaidon in bangusa mita tatua kopitu noguntuḷ in kororiganea popisí in bayongan in singkuḻe monia kon ini-Mu.

YESAYA 27:4

Diá bidon in porasaan-Ku tumorú. Aka kuma bo oyúon in bonok andeka bo bonganga, yo putúan-Kubí intua, bo momokak kon tua komintan.

YESAYA 59:18

Sia in motuḻí kon musung-Nea mita podudui in aid monia. Nodapot in bangusa mita kon ḻibuton mita inta moyayú in diábí kotaḻiban in hukuman-Nea.

YESAYA 63:3

“Tongá Aku-Akuoi mita in sinumuot kon pomomugutan kon anggur kon sigad in umat-Ku diá in notuḷung kon i-Nakó. Bangusa mita irita-ritakan-Ku kon bonu in torú-Ku, naonda bo noritak kon bungai in anggur. Dugú monia in noitoput nomuntad kon ḷambung-Ku, nokokotor kon bayongan in pakeang-Ku.

YESAYA 66:15

Totuu, ki Tuhan in mamangoibí takin tuḷú; Sia in tumakoibí kon kereta-Nea ná deḷang, sin mopobayá in torú-Nea, bo mongguak moropot.

YEREMIA 21:5

Akuoi tontaní in rumopot monayow kon i monimu bo takin doman torú inta tumaga-tagab.

YEREMIA 7:20

Akuoi, ki Tuhan Inta Totok in moḷantud, in mopoumabí in torú-Ku inta motoyang kon baḷoi pooibadaan tanaa, kon intau bo kon mahaḷuk, bo kon pangkoi mita in kayu bo kon bungai mita in boyó. Torú-Ku in tumaga-tagab naonda bo tuḷú inta diá kopiongan.”

OMBAḶ 4:11

Ki Tuhan in nopoumadon in torú-Nea bo nonurub kon kotá in Sion nodapot in noyompat dapot in butá.

YEHEZKIEL 5:13

Korasaanmubí in koḷoḷoben in torú bo pomomatoi-Ku modapot in moorop in Akuoi. Naonda intua mita mobaḻí, moyakin bidon in iko kon Akuoi, ki Tuhan, ain noguman kon inimu popisí in torú-Ku kon aidmu inta diá motoindudui.

YEHEZKIEL 5:15

Aka Akuoi tumorú bo moyaat totok in gina kon inimu poḷat mohukum kon inimu, yo bayongan in bangusa kon ḻibumumai in mokoningkimbí. Singkuḻeonbí monia in iko bo morongó in mokoontong kon inimu.

YEHEZKIEL 8:18

Mosia in mokonanambí kon torú-Ku inta motoyang! Diábí ampungan-Ku in mosia. Umpakabí mosia momaḷú in mosambayang kon i-Nakó, momaḷúkabí moropot totok, yo doíbí in Akuoi mokidongogmai!”

IMAMAT 26:24

dá bouton-Kudon in moiko bo hukumon-Ku in moiko inta kobogat in hukuman tatua kopitu ná inta ain pinopoaid-Ku muna.

IMAMAT 26:27

Bo aka motarima mako kon bayongan hukuman tatua bo umuranpa doman in moiko moḷawang kon i-Nakó bo doí doman dumudui kon i-Nakó,

IMAMAT 26:41

dá iḷawang-Ku domandon in mosia bo inuntun-Ku pinobayá in tampat pinoḷumbúan kon butá in musung mita monia. Pangabisannea, aka buímu mita moitungkudon bo dinumuduidon kon hukuman popisí in dosa bo pinomarontakan monia,

NAHUM 1:2

Ki Tuhan Allah in doíbí toḻinduaan, intau inta moḷawang kon i-Nia, notantúbí kon mokouḻí kon hukuman. Noidoyon kon torú inta moḷoben Sia in notuḻí kon aid monia.

NAHUM 1:6

Ki ine in mokotongod aka ki Tuhan tumorú? Diábí in moipaḷuput nongkon torú-Nea! Sia in moponiata in torú-Nea inta modokot batu in morimumud bo mobaḻí ḷobud kon tayowon-Nea.