IMAMAT 25:55 - Alkitab Singog In Mongondow Masa In Tanaa

⁵⁵ Intau Israel tobatú in diábí motaau umuran mobaḻí ata kon bonu in kinobiagannea sin bangusa Israel tua in bobantungbí mita i Tuhan. Ki Tuhanbí inta ain nodia kon i monia iḻumuai nongkon Mesir. Siabí tua in ki Tuhan, Allah monia.

IMAMAT 25:55 Mawu Ofanana

MAZMUR 116:16

Akuoi naa in mogogundoi-Mu, o Tuhan, naonda bo ki ináku, akuoi in mogundoi doman kon ini-Mu Iko in nopoḷuatdon kon inakó nongkon ponjara.

IḶUAIAN 13:3

Ki Musa noguman kon bangusa Israel, “Kon singgai naa ki Tuhan nopoḷuatdon kon i monimu takin kawasa-Nea inta moḷoben, nodapot in moiko nokoḷuaidon nongkon Mesir, tampat pinononggataan kon i monimu. Tuamai, tanobdon in singgai tanaa. Donaaidon mokaan kon roti inta iragian.

IḶUAIAN 20:2

“Akuoi naa in ki Tuhan Allahmu inta nopoḷuai kon i monimu nongkon Mesir tampat inta pinononggataan kon i monimu.

YESAYA 43:3

Sin Akuoibí, in ki Tuhan, Allahmu, ki Allah mokudus in Israel, mopoposaḷamatmu. Mesir in ogoi-Ku nobaḻí tontobutmu, Sudan bo Syeba in nobaḻí toḻiumu.

IMAMAT 25:42

Intau Israel tua in mogogundoibí mita i Tuhan; Siabí in nodia kon i monia iḻumuai nongkon Mesir, dá tuamai mosia in diábí motaau potaḷui mobaḻí ata.

IMAMAT 25:54

Táe aka sia diá kotobutan takin cara natua, dá sia takin ki adínea mita in mustibí poḷuatondon kon Taong Popobuian moiduduimai.

IMAMAT 26:1

Ki Tuhan noguman, “Dika momia kon toḻindua in Tuhan ande moposindog in patong ande oigi batu inta kinurig sin sumbáan. Akuoi in ki Tuhan Allahmu.

SURAT I PAULUS KON JAMAAT RUM 6:14

Dosa in diá bidon mongawasa kon i monimu, sin moiko in diádon nobiag kon bonu in kawasa in hukum agama in Yahudi, táe kon bonu bidon kawasa in totabi Allah.

SURAT I PAULUS KON JAMAAT RUM 6:22

Táe tanaa in moiko ain pinilatan nongkon kawasa in dosa bo nobaḻídon mogogaid mita kon oaidan i Allah. Kauntungannea kon tua moiko in nobiagdon umuran kon i Allah, bo bungainea kon tua in mokouḻí in moiko kon kobiagan inta mopia bo mononoi.

KORINTUS 1 9:19

Akuoi naa in deemanbí totabá in tumpaḷa intau, táe noibogbí in akuoi nobaḻí ata kon i monimu komintan, sinbá moantó in intau in mopirisaya kon i Kristus.

KORINTUS 1 9:21

Aka kon tayowon intau mita inta deeman Yahudi, akuoi in ná bí doman onda bo mosia, inta diá motoindudui kon hukum i Musa. Tua komintan inaidanku sinbá moidudui kon inakó in mosia bo mobaḻí komintan dumodudui i Kristus. Táe deemanbí makusudku moḷawang kon i Allah; sin parentabí mita i Kristus in nongawasa kon inakó.

GALATIA 5:13

Utat mita! Moiko aindon inoiní mobaḻí intau inta nobebas. Táe donaaibí pakéon in kabebasanmu tatua saḷaku kasampatan mogaid kon onukadon in koibog monimu aidan. Táe popobaragunabí in kasampatan tatua motuḷung kon intau táe musti podoyon kon tabi kon tumpaḷa intau.