IMAMAT 25:43 - Alkitab Singog In Mongondow Masa In Tanaa

⁴³ Dá intau Israel inta nopotaḷui in awaknea kon inimu diábí motaau pomiaanmu ibo-ibog. Kotoguondokbí in moiko kon i Allahmu.

IMAMAT 25:43 Mawu Ofanana

KINOBAḺIAN 42:18

Kon singgai intoḷunea ki Yusup in noguman kon i monia, “Akuoi naa in intau inta moondok bo motoindudui kon i Allah. Moiko in poḷuaionku takin tobatú sarat.

TAWARIKH 2 28:10

Bo tanaa intau mita in Yerusalem bo Yohuda in baḻíondon monimu atamu mita! Diábí degá kinotaauan monimu kon moiko tontaní in binaradosadon kon i Tuhan Allahmu?

AYUB 31:13

Kon dodai in bobantungku nogamui sin haknea in pinotaḷáku, inindongoganku in sia bo pinoyotutuiku pinongin gina motuḻid.

AYUB 31:14

Aka diá, yo naonda aka akuoi mayá kon i Allahku? Onu in potubagku kon dodai in Sia mamangoi mohakim kon inakó?

IḶUAIAN 1:17

Táe taya dua tua in intaubí mita inta motoguondok kon i Allah. Doíbí in mosia mogaid kon onu inta pinoki aid i datu bo pinomayádon mako monia in adí mita ḷoḷaki tua nobiag.

IḶUAIAN 2:23

Noonggot mako kon tua ki datu in Mesir minatoidon. Táe bangusa Israel umuranpa doman mogamui popisí in mosia umuranpa doman sinonggata, nodapot in mosia nomaḷú mokituḷung. Amui monia tatua dinongogdon i Allah.

IḶUAIAN 3:7

Bo ki Tuhan noguman, “Inontong-Kudon in roriga in umat-Ku kon Mesir, bo dinongog-Ku domandon in mosia mopoigum sin poḷúat nongkon pinononggataan kon i monia. Ain bidon kinotaauan-Ku in roriga monia.

IḶUAIAN 3:9

Amui in bangusa Israel dinongog-Kudon, bo inontong-Ku doman naonda in pinononggata in bangusa Mesir kon i monia.

IḶUAIAN 5:14

Moḷoḷukad kon pogaidan mita tatua momongkug kon mandor mita intau Israel inta pinoki indoian in oaidan tatua poḷat moḻibó, “Nongonu sin masai naa bangusamu in diábí mokoaid kon tela ná koḻipod in kobayongnea?”

YESAYA 47:6

Koḻipod in Akuoi in sinumorú kon umat-Ku, mosia in inanggap-Kudon deeman Akuoi in kitogi. Mosia in inogoi-Kudon kon inimu, bo iko in diábí notabi kon i monia, nodapot inta nongogoguyangdon totok in dinorotmu takin diá in tabi.

YESAYA 58:3

Bangusa tatua in moḻibó, “Onu in mangaḻenea in mopuasa aka diá ontongon i Tuhan? Onu in mangaḻenea in kita in tumonsiup aka diá in Sia moindoimai?” Ki Tuhan in moguman, “Totuubí, kon dodai in moiko koyogot in mopuasa, moiko in motayak kon kauntungan tontaní bo momakisa kon intau mita inta sinokotondananmu.

YEHEZKIEL 34:4

Domba mita inta noḻemé diábí ḷukadan monimu, inta notakit in diábí undaman monimu, inta kinekeban diábí binakut monimu, inta noiḷaḻe bo nobuḻi in diábí tayakon monimu bo diaan mangoi bui. Nodapotbí in bayongan in dombamu tatua in pomiaanbí monimu ibo-ibog.

IMAMAT 25:17

Dika monguboḷ kon tumpaḷa intau Israel, táe kotoguondokbí in moiko kon i Tuhan, Allahmu.

IMAMAT 25:42

Intau Israel tua in mogogundoibí mita i Tuhan; Siabí in nodia kon i monia iḻumuai nongkon Mesir, dá tuamai mosia in diábí motaau potaḷui mobaḻí ata.

IMAMAT 25:44

Aka moiko moparaḷu kon ata, yo motaaubí in moiko motaḷui kon bangusa mita inta nogutun kon diugmai monimu.

IMAMAT 25:46

bo motaaubí doman popoabat kon i adí mita monimu sin baḻíon monia ata kon bonu in mosia mobiagpa. Táe aka tumpaḷa intau Israel diábí motaau in pomiaan monimu ibo-ibog.

IMAMAT 25:53

nádon onda bo ain nogaid in sia mobaḻí intau tototondanan inta sinondanan pomuḷoi in taong. Ki tuangnea in diábí motaau mopomia ibo-ibog kon inia.

MALEAKHI 3:5

Guman i Tuhan Inta Totok in mokawasa, “Akuoi in mamangoibí kon inimu sin mohakim. Akuoi in ḷagidon mobaḻí sakusi kon mososihir mita, kon intau mita inta mototuaḻingan, inta noguman kon uboḷ, inta notombogá kon dodai in nobogoi in gaji kon intau inta sinondanan, inta nondorot kon intau boba-bobay, uno-unon, bo intau ango-angoi, bo kon intau mita inta diá mohoromat kon i-Nakó.”

EPESUS 6:9

Bo moiko utat mita inta nobaḻí tuang! Mokopopiabí kon gina kon i atamu mita. Donaaibí tantú mopogogondok kon i monia. Sinbá kotaauan monimu, kon iko bo ki atamu mita tua in tongábí tobatú in Tuang monimu, Sia tuata in ki Tuhan inta kon soroga. Sia in diábí mopoyoposi kon intau.

ULANGAN 25:18

Mosia in diábí noondok kon i Allah bo nonubu kon i monimu nongkon tumi kon dodai in moiko noḷopí totok bo kinodaitan in ropot, bo noḻimod kon bayongan in intaumu mita inta dongkadon yumoyigamai in mayá kon tumi.

KOLOSE 4:1

Utat mita inta nobaḻí tuang! Kopiabí in mopoaid kon i atamu mita, dikabí tombogaan. Pokotoropdon, oyúonbí in Tuangmu kon soroga.