IMAMAT 25:42 - Alkitab Singog In Mongondow Masa In Tanaa

⁴² Intau Israel tua in mogogundoibí mita i Tuhan; Siabí in nodia kon i monia iḻumuai nongkon Mesir, dá tuamai mosia in diábí motaau potaḷui mobaḻí ata.

IMAMAT 25:42 Mawu Ofanana

IḶUAIAN 20:2

“Akuoi naa in ki Tuhan Allahmu inta nopoḷuai kon i monimu nongkon Mesir tampat inta pinononggataan kon i monimu.

IMAMAT 25:41

Kon dodai intua sia bo ki adínea mita motaaudon monaḷámai kon baḷoimu bo mobui kon koluarganea bo kon butá in mogoguyangnea.

IMAMAT 25:43

Dá intau Israel inta nopotaḷui in awaknea kon inimu diábí motaau pomiaanmu ibo-ibog. Kotoguondokbí in moiko kon i Allahmu.

IMAMAT 25:55

Intau Israel tobatú in diábí motaau umuran mobaḻí ata kon bonu in kinobiagannea sin bangusa Israel tua in bobantungbí mita i Tuhan. Ki Tuhanbí inta ain nodia kon i monia iḻumuai nongkon Mesir. Siabí tua in ki Tuhan, Allah monia.

IMAMAT 26:13

Akuoi, ki Tuhan Allahmu, inta nodia kon i monimu iḻumuai nongkon butá in Mesir sinbá moiko in diádon mobaḻí ata bui. Kawasa inta mondorot kon i monimu pinutoḷan-Kudon, bo moiko in binaḻí-Kudon intau inta noiḷuat kon roriga.”

SURAT I PAULUS KON JAMAAT RUM 6:22

Táe tanaa in moiko ain pinilatan nongkon kawasa in dosa bo nobaḻídon mogogaid mita kon oaidan i Allah. Kauntungannea kon tua moiko in nobiagdon umuran kon i Allah, bo bungainea kon tua in mokouḻí in moiko kon kobiagan inta mopia bo mononoi.

ULANGAN 15:13

Ata inta pinoḷuatdon tatua diábí motaau in pomayá mako mayá takin diá kodia-dia in onu bo onu.