IMAMAT 25:39 - Alkitab Singog In Mongondow Masa In Tanaa

³⁹ Aka intau tobangusamu inta nogutun kon sigad monimu nobaḻí nobiag nobogá dapot in sia nopotaḷuidon in awaknea mobaḻí ata kon inimu, yo intau tatua in diábí motaau pokiaidan monimu in oaidan intau ata.

IMAMAT 25:39 Mawu Ofanana

DATU MITA IMITÁNEA 9:22

Intau in Israel diábí binaḻí i Salomo ata; mosia in binaḻí tontara, porwira, tongguḷu totok in tontara, komandan in kereta in parang, bo tontara inta tumakoi kon kabaḷo.

DATU MITA 2 4:1

Kon singgai tobatú ki baḷú in nabi tobatú in minayá kon i Elisa bo noguman, “Amá, ki buḷoiku in minatoidon! Bo kinotaauanbí doman i Amá kon sia tua in intaubí inta motoindudui kon i Allah, táe koboḻi in sia kon intau ibanea. Tanaa in intau tatua in namangoi sin mogamá kon i adíku doyowa bo baḻíonnea ki ata monia, sin poguboḻi kon boḻi i buḷoiku inta ain minatoi tua.”

TAWARIKH 2 28:10

Bo tanaa intau mita in Yerusalem bo Yohuda in baḻíondon monimu atamu mita! Diábí degá kinotaauan monimu kon moiko tontaní in binaradosadon kon i Tuhan Allahmu?

NEHEMIA 5:5

Kami naa in intaubí doman in Yahudi! Ki adí nami in notongkaibí doman in adí mita in Yahudi inta ibanea! Umpaka natua táe nopakisadon in kami mopomayá mako kon i adí mita nami mobaḻí ata. Nodapot in oyúon in ki adí nami bobay in pinotaḷuidon nobaḻí ata. Kami in diá kodaya sin gobá in tudunea bo gobá in anggur nami in pinotomoyódon nami.”

IḶUAIAN 1:14

bo kobobiag intau Israel pinosagedon totok monia. Mosia in pinakisa totok mogaid kon oaidan mita moposindog in bangunan bo mogaid doman kon gobá mita takin diádon in totabi monia.

IḶUAIAN 21:2

Aka moiko motaḷui kon ata tobatú inta nongkon bangusamu tontaní, dá mustibí in sia mogaid kon inimu onom notaong in koonggotnea. Kon taong nogimpitu musti ogoimudon in sia ḷumuai mobaḻí intau inta noiḷuatdon kon oaidannea bo diá bidon paraḷu in sia moguboḻi kon onu bo onu.

YEREMIA 25:14

Aid mita in intau in Babel in tuḻían-Kubí; mosia in tonggataanbí in datu mita moḷoben bo in bangusa mobayong.’ ”

YEREMIA 27:7

Bayongan in bangusa in mobaḻíbí atanea, kon i adínea ḷoḷaki, bo kon i ompunea modapot in moiangoi in wakutunea negaranea tontaní moḷabú. Kon dodai intua bangusa in Babel in mobaḻí ata in bangusa mita inta moropot bo kon datu mita inta moḷoben.

YEREMIA 30:8

Ki Tuhan Inta Totok in mokawasa in nosingog bui kon umat-Nea, “Aka moiangoi in singgai tatua, tombuḻigan inta pinopopotaan kon sindunmu in putoḷon-Kubí bo inta pinoumantungan kon inimu in bukáan-Kudon. Moiko in diá bidon mobaḻí ata in intau ango-angoi.

YEREMIA 34:14

Akuoi in noguman kon bayongan in ata Ibrani inta ain nobaḻí ata onom notaong in koonggotnea, musti poḷuaton kon imbuit in taong impitunea. Táe mogoguyangmu in doíbí noindoimai andeka nokidongog kon onu inta pinoguman-Ku tatua.

YEREMIA 34:8

Ki Datu Zedekia bo intau in Yerusalem nomia kon dodandian sin mopoḷuat

YEREMIA 34:9

kon ata mita in Ibrani monia, pinomayá ḷoḷaki andeka bobay sinbá diá tobatúmai in nongkon bangusa Israel inta mononggata kon tongobangusaannea.

IMAMAT 25:46

bo motaaubí doman popoabat kon i adí mita monimu sin baḻíon monia ata kon bonu in mosia mobiagpa. Táe aka tumpaḷa intau Israel diábí motaau in pomiaan monimu ibo-ibog.

MATIUS 18:25

táe popisí in intau tatua diádon mokouboḻi kon boḻinea tatua, dá datu tatua in nomarenta sinbá potaḷuidon in ki buḷoi bo ki adínea takin bayongan kapunyaannea sin poguboḻi kon boḻinea.