IMAMAT 25:27 - Alkitab Singog In Mongondow Masa In Tanaa

²⁷ dá sia in musti moguboḻi kon intau inta ain notaḷui kon butánea podudui in bungai in boyó kon butá tatua kon dodai in butá tatua pinotaḷui pinangkoi kon singgai pinopotaḷuian nodapot kon Taong Popobuian. Dá butá tatua in noibuidon kon inia.

IMAMAT 25:27 Mawu Ofanana

IMAMAT 25:16

Aka moonggot, dá mobayong doman in boḻinea. Táe aka motoyong, dá moyakag doman in boḻinea, sin inta pinotaḷui tua in noidoyonbí kon kobarong in bungai in boyó.

IMAMAT 25:24

Aka butá totampat bo potaḷui, haknea in mustibí kitoginea muna sinbá motaau buínea tobuton in butá tatua.

IMAMAT 25:26

Aka diá in intau ibanea in motobut kon butá tatua táe kitoginea tatua kon singgai moiduduimai mokopooyúondon bo tugatdon in doitnea potobutan kon butánea,

IMAMAT 25:49

ande ki utat i amánea inta ḷoḷaki, ande ginaḷum motoḷuadínea ande intau ibanea nongkon ginaḷumnea inta modaginpa totok, motaaubí in motobut kon inia. Ande sia tontaní bo kon singgai moiduduimai mokomampudon, dá motaaubí tumobut tontaní in sia.

IMAMAT 27:18

Aka butá tatua pinosumba naonda in nopaḷut mako in Taong Popobuian, dá ki imang musti monakuser kon boḻinea podudui in koonggot in taong mita inta ki agatnea modapot kon Taong Popobuian inta moidudui, bo monantú kon boḻinea in moona-onag nongkon tua.