IMAMAT 25:26 - Alkitab Singog In Mongondow Masa In Tanaa

²⁶ Aka diá in intau ibanea in motobut kon butá tatua táe kitoginea tatua kon singgai moiduduimai mokopooyúondon bo tugatdon in doitnea potobutan kon butánea,

IMAMAT 25:26 Mawu Ofanana

IMAMAT 25:25

Aka intau Israel tobatú mobaḻí nomasiking dá pakisadon sia mopotaḷui in butánea, dá ki utatnea inta modagin totok kon inia in kitogi hak motobut kon butá tatua.

IMAMAT 25:27

dá sia in musti moguboḻi kon intau inta ain notaḷui kon butánea podudui in bungai in boyó kon butá tatua kon dodai in butá tatua pinotaḷui pinangkoi kon singgai pinopotaḷuian nodapot kon Taong Popobuian. Dá butá tatua in noibuidon kon inia.

IMAMAT 25:49

ande ki utat i amánea inta ḷoḷaki, ande ginaḷum motoḷuadínea ande intau ibanea nongkon ginaḷumnea inta modaginpa totok, motaaubí in motobut kon inia. Ande sia tontaní bo kon singgai moiduduimai mokomampudon, dá motaaubí tumobut tontaní in sia.

IMAMAT 5:7

Táe aka intau inta kotaḷá tatua diá mokopooyúon kon domba ande bembé sin potobut kon dosanea, dá sia in mustidon modia kon ḷagapan tarangkuku togapang ande ḷagapan paḷoma moḻinea, tobatú in baḻíon kuruban potobut kon dosa, bo tobatú in baḻíon kuruban inta tubáan.