IMAMAT 25:25 - Alkitab Singog In Mongondow Masa In Tanaa

²⁵ Aka intau Israel tobatú mobaḻí nomasiking dá pakisadon sia mopotaḷui in butánea, dá ki utatnea inta modagin totok kon inia in kitogi hak motobut kon butá tatua.

IMAMAT 25:25 Mawu Ofanana

IMAMAT 25:24

Aka butá totampat bo potaḷui, haknea in mustibí kitoginea muna sinbá motaau buínea tobuton in butá tatua.

IMAMAT 25:26

Aka diá in intau ibanea in motobut kon butá tatua táe kitoginea tatua kon singgai moiduduimai mokopooyúondon bo tugatdon in doitnea potobutan kon butánea,

IMAMAT 25:47

Aka intau ango-angoi inta kon sigad monimu mobaḻí nobiag nooyúon, bo oyúon in intau Israel kon sigad monimu nobaḻí nobiag nobogá nodapot in sia nopotaḷui in awaknea mobaḻí ata kon intau ango-angoi tatua ande kon koluarganea,

IMAMAT 27:22

Aka intau tobatú moposumba kon i Tuhan in gobánea inta sinaḷuinea,

KORINTUS 2 8:9

Sin moiko in totokdon in nonotaau kon kita in totokbí in kinotabi i Yesus Kristus, Tuhan naton. Sia in nooyúonbí, táe sinumon intau bogá sin lantaranbí moiko, sinbá moiko in mobaḻí mooyúon.

WAHYU 5:9

Mosia nopodondong in tobatú dondong mobagu, nanaa: “Iko in patus mogamá kon buk tatua bo moḷosi kon meterainea mita. Sin Iko ain iḻimod, bo dugú-Mu tatua, in pinoguboḻi-Mu kon intau nongkon bayongan suku, bahasa, negara bo bangusa sin ogoi kon i Allah.

RUT 2:20

“Adíku, intau tatua in ginaḷumbí naton modiug,” guman i Naomi. “Siabí tua in musti moindoi kon i naton. Poigumon mako ki Tuhan momarakat kon inia. Ki Tuhan in tantúbí mogintompod kon dandi-Nea, pinomayá kon intau inta nobiagpa ande kon intau inta ain minatoi.”

RUT 3:12

Totuubí, kon mustibí in akuoi moindoi kon kobiaganmu, sin akuoi naa in ginaḷummu inta modagin. Táe oyúonpabí in intau ibanea inta musti moindoi kon kobiaganmu. Bo sia tua in ginaḷum inta modagi-dagin nongkon inakó naa.

RUT 3:2

Iko in nogaid noyotakin in bobay mita kon gobá i Boas, ki Boas tua in ginaḷum naton. Dá, indongogaipa! Doḷom naa sia in mayá moḻintog kon gandum kon gobánea.

RUT 3:9

“Ki ine in iko?” iḻibónea. “Akuoi naa in ki Rut, Amá!” tubag i Rut. “Ki Amá in ginaḷum nami inta modagin inta musti moindoi kon kobiaganku. Aka motaau yo baḻídon in akuoi ki buḷoi i Amá.”

RUT 4:3

nogumandon in ki Boas kon intau inta ginaḷumnea tatua, “Ki Naomi aindon nobui mangoi nongkon Moab. Tanaa in sia moibog mopotaḷui in butá kapunyaan i baḷunea ki Elimelekh, ginaḷum motoḷuadí naton.