IMAMAT 25:24 - Alkitab Singog In Mongondow Masa In Tanaa

²⁴ Aka butá totampat bo potaḷui, haknea in mustibí kitoginea muna sinbá motaau buínea tobuton in butá tatua.

IMAMAT 25:24 Mawu Ofanana

YEREMIA 32:7

kon ki Hanameel, ki adí ḷoḷaki i Salum pokuamaanku in mamangoibí sin mopoigum sinbá taḷuionku in butánea kon Anatot kon wilayah in Benyamin. Sin, akuoibí in pokuadíonnea inta totok in modagin inta kohak motaḷui kon butá tatua.

YEHEZKIEL 7:13

Diábí in mopopotaḷui in mokouḻípa bui kon onu inta ain pinotaḷuinea, sin torú i Allah in moiantugbí kon i ineka. Intau inta moraat in diábí mosaḷamat.

IMAMAT 25:23

Butámu tua in diábí motaau in potaḷuimu, sin butá tatua in deemanbí iko in kitogi, táe ki Allahbí in kitogi. Moiko in tongábí ná intau ango-angoi inta inogoian in wakutu momaké kon butá tatua.

IMAMAT 25:25

Aka intau Israel tobatú mobaḻí nomasiking dá pakisadon sia mopotaḷui in butánea, dá ki utatnea inta modagin totok kon inia in kitogi hak motobut kon butá tatua.

IMAMAT 25:27

dá sia in musti moguboḻi kon intau inta ain notaḷui kon butánea podudui in bungai in boyó kon butá tatua kon dodai in butá tatua pinotaḷui pinangkoi kon singgai pinopotaḷuian nodapot kon Taong Popobuian. Dá butá tatua in noibuidon kon inia.

IMAMAT 25:31

Aka baḷoi kon ḻipú inta sinondok doman in beton pakéon doman in atorang natua: kitoginea muna oyúon in hak motobut kon baḷoi tatua bo baḷoi tatua musti pobuion kon Taong Popobuian.

SURAT I PAULUS KON JAMAAT RUM 8:23

Bo deemanbí tongá mosia in mogamui; táe kitabí doman inta ain notarima kon Roho i Allah. Tua in oogoi i Allah inta muna, tongá kita in umuranpabí doman mogoḷat mako kon i Allah mopoḷuat kon bayongan in awak naton bo baḻíon-Nea in kita ki adí-Nea mita.

KORINTUS 1 1:30

Sin lantaranbí ki Allah, dá notobatúdon in moiko i Kristus. Bo lantaran doman kita nopirisayadon kon i Kristus dá kita in nonotaaudon kon bayongan in yagi-yagi. Siabí doman tua in nopoyotutui, nomiḻí bo notobut kon bayongan oaid naton inta diá mopia.

EPESUS 1:14

Roho tatua in nobaḻí jaminan kon kita in motarimabí kon onu inta ain pinodandi i Allah kon umat-Nea. Tanaa mobogoi in koyakinan kon i naton kon pobebasonbí i Allah in umat-Nea. Dinayo-dayowdon in ki Allah sin oaidan-Nea inta totok moḷoben tatua!

EPESUS 1:7

Ki Kristus in minatoidon sin mopobebas kon i naton bo mongampung kon bayongan dosa.

EPESUS 4:30

Dika mopoajar kon gina in Roho i Allah. Sin moiko aindon sinontandaan-Nea sinbá mobaḻí kapunyaan i Allah. Bo Roho doman tatua inta mobaḻí jaminan, kon singgai pobebasan tatua in moiangoibí kon i monimu.