IMAMAT 25:22 - Alkitab Singog In Mongondow Masa In Tanaa

²² Bo kon dodai in moiko momuḷa kon gobámu kon taong mongin waḷu, bungai in boyó kon taong noginggonom oyúonpa bo tugatpa kaanon monimu. Modapot in tongkaaḷ kaanon monimu tua tugatpabí moiyaput in wakutu pobatunan kon bungai in boyó kon taong tatua.

IMAMAT 25:22 Mawu Ofanana

DATU MITA 2 19:29

Ki Yesaya in nokidia doman in koyow tanaa kon i Hizkia, “Naadon in mobaḻí tomponuot kon inimu. Taong tanaa bo taong moiduduimai intau in mokaanbí kon gandum inta nobiag tontaní. Táe mopaḷut mako kon tua mosia in motaaudon momuḷa kon gandum bo anggur bo poḷat mokaan kon bungai in boyónea.

IḶUAIAN 16:5

Kon singgai inggonomnea musti in mosia mosipun kon kaanon tatua kodua ná inta muna in kobayongnea.”

YESAYA 37:30

Ki Yesaya in nokidia doman in koyow tanaa kon i Hizkia, “Naa in inta mobaḻí tomponuot kon inimu. Taong tanaa bo taong moiduduimai intau in mokaanbí kon gandum inta mobiag tontaní. Táe mopaḷut mako kon tua mosia in motaaudon momuḷa kon gandum bo anggur bo poḷat mokaan kon bungainea.

IMAMAT 25:23

Butámu tua in diábí motaau in potaḷuimu, sin butá tatua in deemanbí iko in kitogi, táe ki Allahbí in kitogi. Moiko in tongábí ná intau ango-angoi inta inogoian in wakutu momaké kon butá tatua.

IMAMAT 26:10

Bungai in boyó kon butá monimu in moguntu-guntuḷdon, dá tugatbí kaanon kon bonu in totaong. Modapot in pakisadon poḷuaion monimu in ḻiu in bungai in boyó inta noonggotdon sinbá oyúonpa in potagúan kon bungai in boyó inta bagu binatun.