IMAMAT 25:20 - Alkitab Singog In Mongondow Masa In Tanaa

²⁰ Táe oyúon degá in moḻibó nanaa: onu in kaanon kon bonu in taong noginpitu tua kon dodai in butá diá ponompinomuḷaan bo diá in bungai in boyó.

IMAMAT 25:20 Mawu Ofanana

DATU MITA 2 7:2

Itoi in tontara inta moḷoḷukad kon i datu in notubag, “Naondabí! Diábí kumaan kon akaḷ intua, umpakabí kon tanaa mako doman ki Tuhan in mopoangoi in uyan morogot nongkon ḷangit!” “Bain indoianmu tontaní in kobaḻían intua, táe iko in diábí moikaan kon kaanon tatua umpaka tongá topiḻikmai,” tubag i Elisa.

TAWARIKH 2 25:9

“Dá naonda degá in bayongan saḷaka inta ain inogoiku kon i monia?” iḻibó i Amazia. Ki Nabi tatua in notubag, “Ki Tuhan in mokopobuibí kon i Tuang moiḻiu nongkon tua!”

YESAYA 1:2

Indongogaidon ei ḷangit, tondudutka ei butá! Ki Tuhan in noguman, “Adí mita inta ain biniag-Ku nomarontak kon i-Nakó.

IMAMAT 25:19

Butá tatua in mobogoi in boyónea modapot in oyúon kaanon monimu inta tugat kon i monimu bo mogutun kon tua takin mobiag motompia.

IMAMAT 25:4

Táe pomuḷoi in taong impitunea tua in tantúon kon i Tuhan. Dá kinoouput in taong tatua pomayápa mako in butá tatua diá ponompinomuḷaan. Dika monompinomuḷa bo dika mongimpoḻimping kon anggurmu mita.

IMAMAT 25:6

Umpaka natua, yo butá tatua in mobogoibí doman in boyó inta baḻíon kaanon kon i monimu, kon atamu mita, kon intau mita inta sinondananmu, bo intau mita ango-angoi inta nogutun takin i monimu.

PINOGIAPAN 11:13

Indoiaika, mosia umuran mogamui moigum kon ponoyá. Bo kon ondabí in potayakanku kon ponoyá sin kaanon in intau mita tatua?

PINOGIAPAN 11:4

Kon binayáan in intau Israel tatua oyúon doman in intau mita ango-angoi in dinumudui. Mosia tua in moibogdon totok mokaan kon ponoyá, bo intau Israel momangkoi domandon mogamui. Guman monia, “Aka kuma bo oyúon in ponoyá kon inaton!

MATIUS 8:26

Sia in noguman kon i monia, “Nongonu sin moondokbí in moiko intau inta diá totok mopirisaya?” Onda intua nobangon in ki Yesus bo sinumorú kon tompot bo danow tatua, indoianmai yo diádon nogirup in tompot tatua bo danow in noḷonong totok.

LUKAS 12:29

Tuamai kotantúon in raian bo dika umuran moḻia-ḻiaw in gina monimu kon soaḷ kaanon andeka inumon monimu.

PILIPI 4:6

Donaai moḻia-ḻiaw in ginamu kon bayongan yagi-yagi. Onukabí in aidanmu umuran posambayang bo pogumandon kon i Allah onu in igumonmu. Onu in paraḷumu umurandon potaau kon i Allah bo dika mokoḻiong in mopoyaput in sukur kon i-Nia.