IMAMAT 25:19 - Alkitab Singog In Mongondow Masa In Tanaa

¹⁹ Butá tatua in mobogoi in boyónea modapot in oyúon kaanon monimu inta tugat kon i monimu bo mogutun kon tua takin mobiag motompia.

IMAMAT 25:19 Mawu Ofanana

DATU MITA IMITÁNEA 5:5

Ki Tuhan ain nodandi nanaa kon i amáku ki Daud, ‘Ki adímu ḷoḷaki inta duíon-Ku mobaḻí datu monoḻiu kon inimu in moposindog in tampat pososumbaan kon i-Nakó.’ Manangka intua, Tuang Hiram Inta Momulia, akuoi, ki Salomo, aindon nonantú kon moposindog in baḷoi tatua.

MAZMUR 67:6

Igumon mako bangusa mita in modayow kon ini-Mu, o Tuhan, igumon mako bayongan in bangusa mopoyaput in sukur kon ini-Mu.

MAZMUR 85:12

Kososatia in intau in mobiagbí nongkon butá, bo kooadil i Tuhan in moḷongowbí monag nongkon ḷangit.

AMSAL 1:33

Táe intau inta mokidongog kon inakó in koḷukadanbí. Sia in mobiagbí moaman bo diá bidon moondok.”

YESAYA 1:19

Aka moiko moibog motoindudui kon i-Nakó, moiko in motarimabí kon bayongan inta mopia inta ogoi in butámu.

YESAYA 30:23

Aka moiko bo momunak, ki Tuhan in mopoangoi in uyan sinbá mobiag in pinomuḷamu tatua bo mobogoi in bungainea inta mobarong totok. Bo kon bobiagonmu in sadiaandon in bonok pongaanan monia inta mobendar.

YEHEZKIEL 36:30

Dugangan-Kubí in kotoḷubú in pangkoi mita in ayopmu bo bungai mita in pinomuḷa kon gobámu, dá moiko in diádon kon dodai in onda moiyitak kon malarat in kaanon inta mokoraat kon tangoimu kon sigad in bangusa mita.

YOËL 2:24

Dá gandum in buidon momonu kon tampat pomomugutan; anggur bo ḷana in zaitun in moiḻimpóbí nongkon pomomugutan.

YOËL 2:26

Tugatbí in kaanon kon i monimu bo mokorasabí kon mobotug. Ki Tuhan Allahmu in pomuliaanbí monimu, sin nobayong in inta mokoherang in inaidan-Nea kon inimu. Umatku in diá bidon motaau in tososingkuḻe mako!

IMAMAT 25:18

Duduiaidon in bayongan hukum bo parenta i Tuhan, sinbá moonow in kobobiagmu kon butá tatua.

IMAMAT 25:20

Táe oyúon degá in moḻibó nanaa: onu in kaanon kon bonu in taong noginpitu tua kon dodai in butá diá ponompinomuḷaan bo diá in bungai in boyó.

IMAMAT 26:4

yo ogoian-Ku in uyan moiko kon wakutunea, dá butá mobogoidon in boyó bo pangkoi mita in ayop momungaidon.

IMAMAT 26:5

Bungai in boyó kon butá monimu moguntu-guntuḷ, modapot in aka moiangoidon in wakutunea mosipú kon bungai in anggur, umuranpa doman in moiko moratab kon gandum. Bo aka wakutuneadon momuḷa bui kon gandum, moiko in umuranpa doman mosipú kon bungai in anggur. Moiko in diábí kodai-daitan in kaanon bo mobiag motompia kon butámu.

IMAMAT 26:6

Ḷukadan-Ku in butá monimu sinbá moaman moiko in mosiug bo diábí moondok kon i ineka. Mahaḷuk mita moraat inggamáan-Ku nongkon butá tatua, bo diá bidon bui in parang kon butá monimu.

ULANGAN 12:10

Naonda in moiko ḷumoḷan kon Ongkag in Yordan, ki Tuhan Allahmu in motuḷungbí kon i monimu ḻimitú bo mogutun kon butá inta kon ḷoḷan in ongkag tatua. Sia in mogoḻingoibí kon i monimu nongkon bayongan musung, bo moiko in mobiagbí moaman bo motompia.