IMAMAT 19:33 - Alkitab Singog In Mongondow Masa In Tanaa

³³ Dika mopoaid in diá mopia kon intau angoi-angoi inta nogutun kon butámu.

IMAMAT 19:33 Mawu Ofanana

IḶUAIAN 22:20

Ki ine in moposumba in kuruban kon inta ilah mita ibanea mako koḻikud in kon i-Nakó, inta Tuhan, yo musti hukumon matoi.

IḶUAIAN 22:21

Donaaibí mondorot ande mopoaid in diá moadil kon intau ango-angoi; pokoingatdon kon moiko nion in koḻipod in intaubí doman tongá ango-angoi kon Mesir.

IḶUAIAN 23:9

Dika mopomia ibo-ibog kon intau ango-angoi; sin kinorasaandon monimu naonda in mobaḻí intau ango-angoi, sin koḻipod moiko nion intau doman ango-angoi kon butá in Mesir.”

YEREMIA 7:6

Dikadon mondorot kon intau ango-angoi, kon adí uno-unon, kon boba-bobay mita. Dika moḻimod kon intau inta diá kotaḷá kon butá tanaa. Dika mosumba kon ilah ibanea, sin tua in mokoputú kon i monimu.

YEHEZKIEL 22:29

Intau mita nooyúon monompobaḻik bo mogagow. Pomiaan monia ibo-ibog in intau bogá bo motayak kon kauntungan kon intau ango-angoi.

YEHEZKIEL 22:7

Diábí tobatúmai in intau inta nogutun kon inimu in mohoromat kon guyanganea. Iko in monompobaḻik kon intau ango-angoi bo motayak kon kauntungan nongkon roriga in boba-bobay bo uno-unon.

MALEAKHI 3:5

Guman i Tuhan Inta Totok in mokawasa, “Akuoi in mamangoibí kon inimu sin mohakim. Akuoi in ḷagidon mobaḻí sakusi kon mososihir mita, kon intau mita inta mototuaḻingan, inta noguman kon uboḷ, inta notombogá kon dodai in nobogoi in gaji kon intau inta sinondanan, inta nondorot kon intau boba-bobay, uno-unon, bo intau ango-angoi, bo kon intau mita inta diá mohoromat kon i-Nakó.”

ULANGAN 24:14

Dika mondorot kon intau totondanan inta nobiag nobogá bo umuran kodaitan, pinomayá intau tobangusamu ande intau ango-angoi inta nogutun kon kotámu tobatú.

ULANGAN 24:17

Dika mogagow kon hak in intau ango-angoi bo in adí uno-unon, bo dika mogamá kon pakeang in boba-bobay tobatú sin baḻíon jaminan.

ULANGAN 24:18

Toropdon kon moiko in nokoimontandon nobaḻí ata kon Mesir bo pinoḷuai i Tuhan Allahmu; tuamai in akuoi mobogoi in atorang tanaa kon inimu.

ULANGAN 27:19

‘Kinutuk in intau inta mogagow kon hak in intau ango-angoi, adí uno-unon bo inta dongka boba-bobay.’ ‘Amin!’