IḶUAIAN 9:28 - Alkitab Singog In Mongondow Masa In Tanaa

²⁸ Posambayangdon kon i Tuhan; totokdon in moyoyiga in kami popisí in gotup bo uyan eis tanaa. Pomayákudon mako in moiko mayá. Donaaidon mogutun kon naa in moiko.”

IḶUAIAN 9:28 Mawu Ofanana

DATU MITA IMITÁNEA 13:6

Bo ki Datu Yerobeam nogumandon kon i nabi tatua, “Tuḷungaipa kaasí sambayangai in akuoi kon i Tuhan Allahmu. Poigumaipa kon totabi-Nea sinbá undaman-Neapa in kokaḷku!” Nosambayang in nabi tatua kon i Tuhan, bo nopiadon in kokaḷ i datu.

IḶUAIAN 10:17

Ampungaipa in dosaku in komintan tanaa, bo posambayangdon kon i Tuhan Allahmu, sinbá poḷuat-Neadon kon inakó in hukuman inta mokopatoi tanaa.”

IḶUAIAN 10:24

Bo ki datu in nogoiní kon i Musa bo noguman, “Moiko in motaaubí mayá moibada kon i Tuhanmu. Intau mita bobay bo adí mita in motaaudon tumakin. Táe sapi, domba, bo bembému in diábí motaau diaan.”

IḶUAIAN 10:8

Dá ki Musa bo ki Harun pinoki oiní bui i datu. Ki datu in noguman kon i monia, “Moiko motaaudon mayá moibada kon i Tuhan Allahmu. Táe ki ine mako degá in kon sigad monimu nion in mayá?”

IḶUAIAN 11:1

Ki Tuhan noguman kon i Musa, “Tobatúpa in bodito in popouma-Ku kon i datu in Mesir bo rayatnea. Mopaḷut mako kon tua ogoineadon in moiko mayá. Nodapot in poguntunonnea in moiko komintan nongkon naa.

IḶUAIAN 8:25

Onda intua ki datu nogoiní kon i Musa bo kon i Harun poḷat noguman, “Bayádon pobogoi in sosumba kuruban kon i Allahmu, táe tongádon kon butá tanaa.”

IḶUAIAN 8:28

Ki datu in noguman, “Mopia, ogoikudon moiko mayá in padang gurun sin moposumba in kuruban kon i Tuhan, Allahmu, asaḷbí bo moiko in diá mayá moyayú. Bo toropdon, sambayangai doman in akuoi!”

IḶUAIAN 8:4

Tumpaḷak mita tatua in ḷumansik bo monomponik kon inimu, bo kon bayongan intau moḷobenmu bo rayat.’ ”

IḶUAIAN 8:8

Datu nogoiní kon i Musa bo kon i Harun, bo noguman, “Posambayangdon kon i Tuhan sinbá Sia in monginggamádon kon tumpaḷak mita tanaa, bá ogoikudon in bangusamu mayá sin moposumba in kuruban kon i Tuhan.”

YEREMIA 21:2

“Poigumdon kon topotundú kon i Tuhan sin kopontingan naton, sin ki Nebukadnezar datu in Babel takin tontaranea in koyogotdon mongopung kon kotá naton. Dika-dika bo ki Tuhan in mogaidbí kon inta mokoherang kon inaton, bo momakisa kon i Nebukadnezar mopotabá umundok in tontaranea.”

PINOGIAPAN 21:7

Bo bangusa tatua namangoi kon tayowon i Musa bo noguman, “Binaradosadon in kami sin ain nongunsingog kon i Tuhan bo kon inimu. Posambayangpa kon i Tuhan sinbá uḷag mita tanaa poyayúdon kon inami.” Dá sinambayangandon i Musa in bangusa tatua.

OUMAN IN RASUL MITA 8:24

Dá ki Simon in noguman kon i Petrus bo kon i Yohanes, “Dá aka natua yo tuḷungaipa poigum kon i Tuhan sinbá diá tobatúmai in siningog monimu nion in mobaḻí kon i nakó.”

SAMUEL 1 12:19

Bo nogumandon in mosia kon i Samuel, “Tuḷungaipa, Amá, posambayangaipa in kami kon i Tuhan Allahmu, sinbá diá in kami matoi. Tanaa in kinotaauandon nami kon koḻikud in dosa nami koḻipod, kami in dinosadon bui sin kami ain noigum kon datu tobatú.”