IḶUAIAN 9:12 - Alkitab Singog In Mongondow Masa In Tanaa

¹² Táe ki Tuhan nopotontogat doman in gina i datu, bo ná doman inta ain pinoguman i Tuhan, datu in doíbí mopandungmai kon tosingogon i Musa bo i Harun.

IḶUAIAN 9:12 Mawu Ofanana

IḶUAIAN 10:1

Ki Tuhan noguman kon i Musa, “Bayádon pokipodungkuḷ bui kon i datu. Binaḻí-Kudon in sia takin pogawainea mita motontogat in gina, sinbá in Akuoi motaau mogaid kon onu mita inta mokoherang kon yua-yuak monia,

IḶUAIAN 10:20

Táe pinopotontogat doman bui i Tuhan in gina i datu, bo diádon inogoinea minayá in intau Israel.

IḶUAIAN 11:10

Ki Musa bo ki Harun nogaid kon bayongan inta mokoherang tatua kon tayowon i datu, táe binaḻípa i Tuhan motogat in ginanea, dá diápa doman inogoinea minayá in intau Israel nonaḷámai kon butánea tatua.

IḶUAIAN 14:8

Totuubí kon pinopotontogatdon i Tuhan in gina, nodapot in inaḷowanneadon in intau mita Israel inta kon bonu in binayáan monaḷá kon butá in Mesir takin koḷuka-ḷukad i Tuhan.

IḶUAIAN 4:21

Ki Tuhan noguman kon i Musa, “Akuoi ain nobogoi in kawasa kon inimu mogaid kon inta mokoherang mita. Dá aka iko mobuidon kon Mesir, yo aidaidon in bayongan inta mokoherang tatua kon tayowon i datu Mesir. Táe baḻíon-Kubí in sia motontogat in gina, dapot in diábí ogoinea in bangusa tatua mayá.

IḶUAIAN 7:4

Tuamai Akuoi in mobogoi in hukuman mobogat kon Mesir, onda intua diaan-Kudon bayongan in bangusa Israel, umat-Ku, ḷumuai nongkon butá tatua.

IḶUAIAN 9:7

Datu in noḻibó mongoonu in nobaḻí, bo inoumandon kon inia kon bobiagon intau Israel diá tobatúmai in minatoi. Táe datu tantúpabí doman nokopotontogat kon gina bo diápabí doman inogoinea in bangusa tatua mayá.

YOHANES 12:40

“Ki Allah in noguman, ‘Binilogan-Kudon in mata monia, binaḻí-Kudon in mosia motogat in gina; sinbá mosia in diá mokoontong, bo raian monia in diá momangaḻe. Simbá mosia in diá mamangoi bui kon i-Nakó, bodongka undaman-Ku in mosia.’ ”

SURAT I PAULUS KON JAMAAT RUM 9:18

Dá ki Allah in motabi kon intau inta kinoibog-Nea. Bo popotogaton-Nea in gina intau tobatú aka tua in kino ibog-Nea doman.

YOSUA 11:20

Binaḻí i Tuhan in mosia motontogat in gina bo momarang kon intau in Israel, sinbá mosia yopúon, bo ḻimodon takin diá in ampung podudui in parenta i Tuhan kon i Musa.