IḶUAIAN 8:29 - Alkitab Singog In Mongondow Masa In Tanaa

²⁹ Tubag i Musa, “Naonda in akuoi mayá, akuoi ḷagidon mosambayang kon i Tuhan sinbá ikoḷom ḷangow mita tatua monaḷámaidon kon i Tuangku, kon intau pogawai mita moḷantud i Tuang bo kon rayat mita. Táe donaaidon bui monguboḷ kon inami, bo donaaidon moḷamboi kon bangusa Israel mayá sin moposumba in kuruban kon i Tuhan.”

IḶUAIAN 8:29 Mawu Ofanana

MAZMUR 66:3

Pogumandon kon i Allah, “Totuu mokoherang onu in inaidan-Mu! Musung tumungkud kon ini-Mu takin iḻibutan in ondok, sin totuubí moḷoben in kawasa-Mu.

IḶUAIAN 8:15

Naonda inontongdon i datu kon tumpaḷak mita tatua minatoidon, sia nokopotontogat bui kon ginanea. Bo ná inta ain pinoguman muna i Tuhan, ki datu in doíbí mopandungmai kon tosingogon i Musa bo i Harun.

IḶUAIAN 8:8

Datu nogoiní kon i Musa bo kon i Harun, bo noguman, “Posambayangdon kon i Tuhan sinbá Sia in monginggamádon kon tumpaḷak mita tanaa, bá ogoikudon in bangusamu mayá sin moposumba in kuruban kon i Tuhan.”

IḶUAIAN 9:30

Táe kotaauankubí kon ki Tuangku bo pogawai mita i Tuang in diápabí doman moondok kon i Tuhan Allah.”

YEREMIA 42:4

Akuoi in notubag, “Mopia aka natuabí. Tarimaanku onu in pinoigum tua. Mosambayang in akuoi kon i Tuhan Allah naton, bo onukabí in potubag-Nea, potaaukubí komintan; tobatúmai yo diábí bunionku kon inimu.”

GALATIA 6:7

Dika moibog uboḷan. Sin ki Allah in diábí motaau in pogogitogan! Sin onu in pomuḷaan intau yo tuabí doman in sipuonnea.