IḶUAIAN 8:15 - Alkitab Singog In Mongondow Masa In Tanaa

¹⁵ Naonda inontongdon i datu kon tumpaḷak mita tatua minatoidon, sia nokopotontogat bui kon ginanea. Bo ná inta ain pinoguman muna i Tuhan, ki datu in doíbí mopandungmai kon tosingogon i Musa bo i Harun.

IḶUAIAN 8:15 Mawu Ofanana

IḶUAIAN 14:5

Naonda in ki datu in Mesir nokodongogdon kon bangusa Israel noḷaguidon, sia bo pogawainea mita inangoiandon in manasaḷ bo poḷat noguman, “Onu in pomiaan naton? Nongonu sin pomayábí mako naton intau mita Israel tatua mayá modapot in kita kobuḻiandon in ata mita?”

IḶUAIAN 4:21

Ki Tuhan noguman kon i Musa, “Akuoi ain nobogoi in kawasa kon inimu mogaid kon inta mokoherang mita. Dá aka iko mobuidon kon Mesir, yo aidaidon in bayongan inta mokoherang tatua kon tayowon i datu Mesir. Táe baḻíon-Kubí in sia motontogat in gina, dapot in diábí ogoinea in bangusa tatua mayá.

IḶUAIAN 7:4

Tuamai Akuoi in mobogoi in hukuman mobogat kon Mesir, onda intua diaan-Kudon bayongan in bangusa Israel, umat-Ku, ḷumuai nongkon butá tatua.

IḶUAIAN 8:14

Intau in Mesir nosipun kon tumpaḷak mita inta ain minatoi tatua, nodapot in nobontu-bonturung, nodapot in bayongan butá tatua nobódon in bongkog.

IḶUAIAN 8:16

Ki Tuhan noguman kon i Musa, “Potabádon ki Harun mopomobak in tungkudnea kon butá, dá kon bayongan butá in Mesir ḷobud mobaḷuidon mobaḻí yongit.”

IḶUAIAN 8:28

Ki datu in noguman, “Mopia, ogoikudon moiko mayá in padang gurun sin moposumba in kuruban kon i Tuhan, Allahmu, asaḷbí bo moiko in diá mayá moyayú. Bo toropdon, sambayangai doman in akuoi!”

IḶUAIAN 8:29

Tubag i Musa, “Naonda in akuoi mayá, akuoi ḷagidon mosambayang kon i Tuhan sinbá ikoḷom ḷangow mita tatua monaḷámaidon kon i Tuangku, kon intau pogawai mita moḷantud i Tuang bo kon rayat mita. Táe donaaidon bui monguboḷ kon inami, bo donaaidon moḷamboi kon bangusa Israel mayá sin moposumba in kuruban kon i Tuhan.”

IḶUAIAN 8:32

Táe tanaa datu buipa doman nokopotontogat kon gina bo diádon inogoinea in bangusa tatua mayá.

IḶUAIAN 8:8

Datu nogoiní kon i Musa bo kon i Harun, bo noguman, “Posambayangdon kon i Tuhan sinbá Sia in monginggamádon kon tumpaḷak mita tanaa, bá ogoikudon in bangusamu mayá sin moposumba in kuruban kon i Tuhan.”

AMSAL 26:11

Ná ungkú inta bui mokaan kon totukanea, natua doman in intau bodok inta mobuimai kon kobobodoknea.

AMSAL 29:1

Ki ine in umuran moḷawang aka tongginaan, komintanmai yo morimumudbí bo diádon motaau tompiaan bui.

MOHOHUTUBA 8:11

Nongonu sin totuubí mogampang in intau momia kon inta moraat? Popisí in hukuman diá ḷagi popoḷabú.

YESAYA 26:10

Umpaka intau moraat pinopoaidan in inta mopia, diábí doman in sia mobalajar kon onu inta mobanar. Kon negara inta oyúon in hukum sia in mopoaidbí doman kon inta motombogá, bo doíbí motarima kon kawasa i Tuhan.

HOSEA 6:4

Táe ki Tuhan in noguman, “Ei Israel bo Yohuda! Onu in musti aidan-Ku kon i monimu? Tabimu kon i-Nakó in motoyongbí moinggamá naonda bo topuot andeka oḷú doḷo-doḷom.

IBRANI 3:15

Tanaa in pinais kon Buk Motusi, “Aka singgai naa mokodongog in moiko kon singog i Allah, yo donaai kotogaton in gina, ná mogoguyangmu, wakutu in mosia nomaḷawang kon i Allah.”

IBRANI 3:8

yo donaai mokopotogat kon gina, ná mogoguyang mita monimu, wakutu in mosia nomarontak bo nonungkuḷ kon i Allah kon padang pasir.

WAHYU 16:9

Intau sinurubnea in patú inta nongkon i-Nia, bo mosia in nogodi-godimai kon tangoi i Allah inta nongawasa kon bodito mita tatua. Umpaka natuadon, táe mosia in doíbí doman in mogogai mogaid kon dosa mita monia bo doí doman modayow kon kamuliaan i Allah.

SAMUEL 1 6:12

Sapi mita tatua baḷú minayá ná Bet-Semes; Bobiagon mita tatua mayá sindaḷan moganggor, tongá diábí momarut kon daḷan moḷoben kon dotá in koḷoigi andeka koḷanan. Datu taya ḻima tatua tantú dinumudui nodapot kon sigad in Bet-Semes.

SAMUEL 1 6:3

Bo mosia in notubag, “Poti Dodandian i Allah in Israel tatua in dikabí tongá pobuion mako monimu natua, táe mustibí takinan in tombuinag sin potobut kon dosamu. Aka aidan monimu in natua dá undamandon in moiko, bo kotaauandon monimu nongonu sin ki Allah in Israel tatua in tantúbí mohukum kon i monimu.”

SAMUEL 1 6:6

Onubí in mangaḻenea in moiko mokopotontogat kon gina ná datu bo intau in Mesir koḻipod? Dika koḻiongan naonda in ki Allah nopoyambá kon i monia, nodapot in mosia notobat bo pinomayádon mako monia in intau Israel nonaḷámai kon Mesir.

SAMUEL 1 6:9

Tarukiradon in bobayánea; aka Poti Dodandian tatua diaan pobayá ná butánea tontaní, inta kon kotá in Bet-Semes, tua in mangaḻenea kon ki Allahdon in intau Israel inta ain nopouma in bodito inta motoyang tatua kon i naton. Táe aka roda tatua diá nopobayá ná tua, dá kotaauandon naton kon bodito tatua in deemanbí nongkon i Allah in Israel, táe tongábí noikoḷatmai natua.”