IḶUAIAN 7:2 - Alkitab Singog In Mongondow Masa In Tanaa
2 Potaaudon kon i Harun in bayongan inta pinarenta-Ku kon inimu. Potabádon in ki Harun moguman kon i datu kon sia in mustibí mobogoi kon intau Israel monaḷámai kon butá in Mesir.
Pongongumandon takinnea bo potaaudon kon inia onu inta musti singogonnea. Akuoi in motuḷungbí kon i namunda bo motundú kon onu in musti singogon bo aidan.
Sia in mustibí mosingog podoyon kon tangoimu kon tayowon in umat. Sia in mobaḻí tondoḷ in bibigmu bo iko inanggapnea naonda bo ki Allah inta moguman kon onu inta musti singogonnea.
Onda intua ki Musa bo ki Harun minayá kon tayowon i datu in Mesir bo noguman, “Nanaa in parenta i Tuhan, ki Allah Israel, ‘Ogoiaidon in kasampatan bangusa-Ku mayá sinbá mosia in motaau moibada kon i-Nakó kon padang gurun.’ ”
Posadiadon, Yeremia! Bayádon bo potaaudon kon i monia, bayongan inta pinoki aid-Ku kon inimu. Dika moondok kon i monia, sinbá diá baḻíon-Ku in iko totok in moondok aka moyogintayowan mako monia.
Táe ki Tuhan in notubag, “Dika moguman kon noguodpa in iko. Aka Akuoi in mopotabá kon inimu mayá kon i ineka, yo iko in mustibí mayá, bo bayongan inta pokiguman-Ku kon inimu, mustibí potaaumu kon i monia.
Bo tundú in mosia mogaid kon onu inta aindon pinoguman-Ku kon i monimu. Bo bá kotaauan monimu, kon Akuoi in umuranbí kotaki-takin monimu modapot in singgai pangabisan.”