IḶUAIAN 6:26 - Alkitab Singog In Mongondow Masa In Tanaa

²⁶ Taya dua minayá kon tayowon i datu in Mesir sinbá sia mopoḷuatdon kon intau israel.

IḶUAIAN 6:26 Mawu Ofanana

KINOBAḺIAN 2:1

Natuata in nobaḻí bo noḷapatdon in pinomaḻían kon dunia naa bo bayongan tombonunea.

TAWARIKH 1 6:3

Ki Amram in kogadí kon adí ḷoḷaki doyowa, inta ki Harun bo ki Musa, bo adí bobay tobatú inta ki Miryam. Ki Harun in kogadí kon ḷoḷaki opat: ki Nadab, ki Abihu, ki Eleazar bo ki Itamar.

MAZMUR 77:20

Iko in mayá nongin bokoḷ, iḷumoḷan kon dagat, táe ḻiod-Mu diá koontongan.

MAZMUR 99:6

Ki Musa bo ki Harun noitakin doman in imang-Nea mita, ki Samuel in intau tobatú inta nosambayang kon i-Nia. Mosia in nokuani kon i Tuhan, bo sinubagan-Nea.

IḶUAIAN 12:17

Kon singgai tatua bayongan in bangusamu diaan-Ku ḷumuai nongkon Mesir. Tuamai modapot kon i adí bo ompumu, muḷoi in taong, singgai tatua musti baḻíon monimu singgai moḷoben.

IḶUAIAN 12:41

Kon singgai imbuit in taong 430 tua, bayongan umat i Tuhan nonaḷámaidon kon butá in Mesir.

IḶUAIAN 12:51

Kon singgai tatua ki Tuhan nodia kon bayongan umat Israel iḻumuai nongkon Mesir.

IḶUAIAN 13:18

Tuamai ki Allah in nodia kon i monia nongin daḷan inta noḻibu nongin padang gurun nopobayá in Dagat in Gelagah. Kon dodai in nonaḷámai kon Mesir, intau mita Israel tatua nodia kon abit naonda bo mayá moparang.

IḶUAIAN 20:2

“Akuoi naa in ki Tuhan Allahmu inta nopoḷuai kon i monimu nongkon Mesir tampat inta pinononggataan kon i monimu.

IḶUAIAN 32:1

Kon tungkuḷ in noonggotdon in pinogoḷatan mako in bangusa Israel kon i Musa mosiḻig nongkon buḷud tatua, sin dodai intua sia umuranpabí kon tudu in buḷud tatua, dá mosia in namangoi kon i Harun bo noguman, “Diádon kinotaauan naton mongo onu in nobaḻí kon i Musa, intau inta ain nodia kon i naton iḻumuai nongkon Mesir; dá pomiaaidon in kami kon ilah inta modia kon inami.”

IḶUAIAN 32:11

Ki Musa nopoigum tabi kon i Tuhan Allahnea, kainia, “Tuhan, nongonu sin musti-Mubí aidan kon i monia in natua? Ikodon tontaní inta noposaḷamat kon i monia nongkon Mesir takin kawasa bo ropot-Mu inta moḷoben?

IḶUAIAN 32:7

Dá ki Tuhan noguman kon i Musa, “Ḷagidon posiḻig, sin bangusa inta diniamu iḻumuai nongkon butá in Mesir nomiadon kon inta moraat.

IḶUAIAN 6:13

Naa in mogoguyang i Musa bo i Harun: Ki Ruben, ki adí guya-guyang i Yakub, kogadí kon adí ḷoḷaki opat: ki Henokh, ki Palu, ki Hezron, bo ki Karmi. Mosia tua in mogoguyang in suku i Ruben.

IḶUAIAN 6:20

Ki Yizhar kogadí kon adí ḷoḷaki toḷu: ki Korah, ki Nepeg bo ki Zikhri.

IḶUAIAN 6:7

Moiko in diaan-Ku mayá in butá inta pinodandi-Ku takin nongibot kon i Abraham, kon i Ishak bo kon i Yakub; butá tatua in ogoi-Ku kon inimu mobaḻí kapunyaanmu tontaní. Akuoi naa in ki Tuhan.”

IḶUAIAN 7:4

Tuamai Akuoi in mobogoi in hukuman mobogat kon Mesir, onda intua diaan-Kudon bayongan in bangusa Israel, umat-Ku, ḷumuai nongkon butá tatua.

MIKHA 6:4

Moiko in dinia-Kudon iḻumuai nongkon Mesir, bo pinoḷuat-Kudon nongkon pinononggataan; Akuoi in nopotabádon kon i Musa, kon i Harun, bo kon i Miryam sin modia kon i monimu.

PINOGIAPAN 33:1

Naonda in bangusa Israel nonaḷámai kon Mesir, kon pipidan podudui in suku bangusa monia kon bonu in tongganut i Musa bo i Harun, mosia nongandu-ngandup mako kon tongonumai in tampat.

YOSUA 24:5

Onda intua Akuoi nopotabá kon i Musa bo kon i Harun, bo nopoḷabú in bodito moḷoben kon butá in Mesir, bo pinoḷuai-Ku in moiko nongkon tua.

SAMUEL 1 12:6

Bo ki Samuel in noguman bui, “Ki Tuhanbí inta ain nomiḻí kon i Musa bo kon i Harun, bo inta nodia kon mogoguyang monimu iḻumuai nongkon Mesir.

SAMUEL 1 12:8

Kon dodai in ki Yakub bo motoḷuadínea namangoi in Mesir, bo intau in Mesir nopororiga kon i monia, mogoguyangmu in nopoigum in totuḷung kon i Tuhan, bo ki Tuhan in nopotabá kon i Musa bo kon i Harun. Taya dua tua in nodia kon mogoguyang monimu iḻumuai nongkon Mesir bo notuḷung kon i monia nogutun notantú kon butá tanaa.