IḶUAIAN 40:38 - Alkitab Singog In Mongondow Masa In Tanaa

³⁸ Kon tungkuḷ in bangusa Israel umuranpa kon bonu in binayáan monia, yo ki Tuhan kon Ḷoḷaiganbí tatua inta aka singgai dá naonda bo goḷom bo aka doḷom dá naonda bo tuḷú.

IḶUAIAN 40:38 Mawu Ofanana

SAMUEL 2 7:6

Pinangkoipamai in bangusa in Israel pinoḷuat-Ku nongkon Mesir nodapot in tanaa, diápabí kon dodai in onda in Akuoi nogutun kon bonu in baḷoi tobatú, táe umuranbí modondaḷoi magí mako bo mogutun kon ḷoḷaigan tobatú.

MAZMUR 105:39

Ki Allah in nopobandang in goḷom sin mogoḻiung kon umat-Nea, bo tuḷú sin ponimbayag kon i monia kon tungkuḷ in doḷom.

MAZMUR 78:14

Sia in nodia kon i monia inoḻiungan in goḷom kon dodai in singgai bo sinimbayagan in tuḷú kinoouput in doḷom.

IḶUAIAN 13:21

Aka singgai, ki Tuhan mayá umuna kon i monia takin mokipogontong naonda bo oigi goḷom bo aka doḷom sia mayá kon muna monia kon bonu in oigi tuḷú sin motundú kon daḷan bayáan monia. Natua in nobaḻí dá mosia notaau in minayá singgai bo doḷom.

IḶUAIAN 13:22

Kinoouput in singgai oigi goḷom umuran kon muna in bangusa tatua bo tumonggobii doman oigi tuḷú moyotakin monia.

PINOGIAPAN 10:34

Aka mosia mobuat nongkon pinononḷoḷaigan, goḷom i Tuhan umuran mogoḻiung kon i monia kon wakutu in singgai.

PINOGIAPAN 9:12

Dika tonggagatan in kaanon tatua modapot in mobangon monik, bo dika momutoḷ kon tobatúmai in tuḷan in mahaḷuk inta posumba kon i-Nakó. Rayaaidon in Paska tatua podudui kon bayongan atorangnea.

PINOGIAPAN 9:15

Kon singgai in Ḷoḷaigan i Tuhan pinosindog, noikoḷobdon mangoi in goḷom kon Ḷoḷaigan tatua. Kon tungkuḷ in doḷom dapot in doḷo-doḷom goḷom tatua koontongan ná tuḷú.