IḶUAIAN 39:43 - Alkitab Singog In Mongondow Masa In Tanaa

⁴³ Pinirikisa i Musa intua komintan bo inindoianneamai yo inaidan monia intua notongkai totok ná inta ain pinoki aid i Tuhan. Bo binarakatandon i Musa in mosia.

IḶUAIAN 39:43 Mawu Ofanana

KINOBAḺIAN 1:31

Ki Allah in inimindoi kon bayongan inta ain pinomia-Nea tatua, bo nopia totok in gina-Nea. Doḷom noitaḻib bo namangoidon in doḷo-doḷom. Tuata in singgai inggonomnea.

KINOBAḺIAN 14:19

Bo ki Melkisedek in nomarakat kon i Abram, kainia, “Poigumon mako ki Allah inta Totok in Moḷantud, inta ain nomaḻí kon ḷangit bo butá, momarakat kon i Abram!

SAMUEL 2 6:18

Bo sia in nomarakat kon rayat in Israel pinodoyon kon tangoi i Tuhan Inta Totok in Mokawasa.

DATU MITA IMITÁNEA 6:38

Bo kon buḷan Bul, inta buḷan noginwaḷu, kon bonu in taong impuḷú bomitá kon pinomarentaannea, noḷapatdon in Baḷoi Tuhan tatua pinosindog i Salomo, noitombutung ná inta ain sinomayá. Pinomiaan kon baḷoi tatua pitu notaong in koonggotnea.

DATU MITA IMITÁNEA 8:14

Naonda in nosambayang mako ki Datu Salomo in nobobuidon kon bayongan in rayat inta sinimindog mako kon tua, bo nopoigum sinbá ki Allah momarakat kon i monia.

DATU MITA IMITÁNEA 8:55

bo takin singog noropot nopoigum kon barakat i Allah kon kopontingan in bayongan intau inta noyosipun kon tua, gumannea,

TAWARIKH 1 16:2

Naonda in ki Daud nopaḷut noposumba in kuruban mita tatua, nomarakat in sia kon rayat pinodoyon kon tangoi i Tuhan,

TAWARIKH 2 30:27

Imang mita bo intau mita in Lewi nopoigum sinbá ki Tuhan momarakat kon rayat, bo nongkon tampat pinogutunan-Nea kon soroga ki Allah in nokidongog kon sambayang monia bo poḷat notarima kon oigum monia.

TAWARIKH 2 6:3

Nopaḷut mako nosambayang, ki datu in inimindoidon kon bayongan in rayat inta sinimindog mako kon tua, bo pinoigumannea kon barakat i Allah in mosia.

NEHEMIA 11:2

Kon sigad monia oyúonbí in takin ḻimbatú in gina mogutun motantú kon Yerusalem bo mosia in dinayow in rayat.

MAZMUR 104:31

Igumon mako koḷoḷantud i Tuhan in mononoi! Igumon mako mopia in gina-Nea takin in bayongan inta binaḻí-Nea!

MAZMUR 19:11

Hukum i Tuhan in kon ḻimonikanbí in buḷawan taakan, moromi-romimitbí nongkon biluk taakan.

IḶUAIAN 12:28

Dá mosia in minayádon bo nogaid kon onu inta pinarenta i Tuhan kon i Musa bo kon i Harun.

IḶUAIAN 25:9

Ḷoḷaigan bo touḷutnea musti pomiaan monia podudui in tomayá inta bain tundúon-Ku kon inimu.”

IḶUAIAN 39:42

Intau mita in Israel ain nogaid kon tua mita notongkai ná inta pinoki aid i Tuhan kon i Musa.

IḶUAIAN 40:1

Ki Tuhan noguman kon i Musa,

IḶUAIAN 40:25

bodongka pinoyongkit in togá mita tatua kon tayowon i Tuhan.

IḶUAIAN 7:6

Ki Musa bo ki Harun nogaid kon onu inta ain pinarenta i Tuhan.

YEREMIA 13:5

Dá podudui in parenta i Tuhan minayádon in akuoi bo nobuni kon bintoḷ nopoḷok tatua kon diug in Ongkag in Eprat.

IMAMAT 16:34

Upacara tatua musti aidan totaong in komintan sin pondaritan kon bangusa Israel nongkon bayongan dosa monia. Tuata in atorang mita inta musti umuran duduian monia dapot kon adí bo ompu. Inaidan i Musa intua notongkai ná inta ain pinoguman i Tuhan kon inia.

YOSUA 22:6

Onda intua ki Yosua nomarakat bo poḷat nopotabá kon i monia nobui minayá kon butá monia takin koyow, “Tanaa in moiko nobiagdon nooyúon bo moiko nobui takin nodia kon bobiagon nobarong, saḷaka, buḷawan, bitú, uatoi bo pakeang. Silai-silaidon doman in onu inta inagowmu tua kon parang kon intau mita tongosukumu ibanea.” Dá suku i Ruben, i Gad, bo suku i Manasye inta kon pomukaan kon Yordan tatua nonaḷámaidon kon intau in Israel ibanea, bo nobuat nongkon Silo kon Kanaan nopobayá in butá monia tontaní kon Gilead. Mosia nogutun kon butá tatua podudui in parenta i Tuhan pinongin i Musa. (Tongosilai in suku Manasye ain notarima kon butá nongkon i Musa, butá inta kon ḷoḷan in Ongkag in Yordan, bo tongosilai in suku Manasye ibanea in notarima nongkon i Yosua butá kon dotá in toyopan kon Ongkag in Yordan noyotakin in suku mita ibanea.)