IḶUAIAN 37:6 - Alkitab Singog In Mongondow Masa In Tanaa

⁶ Onda intua pinomianea kon taḷobnea tobatú nongkon buḷawan taakan, kobanatnea in mogatut bo mopuḷú nosenti bo kooḷadnea in onom nopuḷú bo onom nosenti.

IḶUAIAN 37:6 Mawu Ofanana

TAWARIKH 1 28:11

Nopaḷut mako kon tua ki Daud in noposarakadon kon i Salomo in tomayá mogaid kon Baḷoi Tuhan, gudangnea mita, bayongan in gopotnea, bo yuang Inta Totok in Motusi, tampat pongongampungan kon dosa.

IḶUAIAN 31:7

Ḷoḷaigan-Ku, Poti Dodandian bo taḷobnea, komintan pakakat in Ḷoḷaigan,

IḶUAIAN 37:5

bo kayu tombuḻigan tatua pinobonunea kon ḻingkit mita inta kon sí in poti tatua.

IḶUAIAN 37:7

Pinomiaannea doman kon kerub doyowa nongkon buḷawan sinontaḷ,

SURAT I PAULUS KON JAMAAT RUM 3:25

Ki Allah ain nopokuruban kon i Yesus Kristus sinbá pinongin kinopatoian-Nea tatua intau in poniatadon kon pinilatandon nongkon bayongan taḷá monia aka mosia mopirisaya kon i Yesus. Tua in inaidan i Allah sin mopoontong in koadilan-Nea. Sin tungkuḷ intua nosabardon in Sia kon bayongan dosa in intau, sahingga in diá ihukum-Nea in mosia.

GALATIA 4:4

Táe naonda in motompodon in wakutunea, potabádon i Allah in ki Adí-Nea mamangoi in dunia naa. Ki Adí-Nea tatua in pinononggadí in tobatú bobay inta nobiagpa kon bonu in kawasa in hukum i Musa.

TITUS 2:14

Sia tuata inta ain noposarakan in awak-Nea sin mopoḷuat kon i naton nongkon bayongan inta moraat, bo kita in baḻíon-Nea tobatú umat inta noiḷuatdon nongkon kawasa in dosa bo tongádon mobaḻí umat-Nea inta morajing mogaid kon inta mopia.

IBRANI 9:5

Kon tudu in poti tatua oyúon in kerub doyowa, tuata in mahaḷuk kokoḻikipan inta nobaḻí lambang koangoian i Allah. Koḻikip in mahaḷuk doyowa tatua noibuká mako kon tudu in taḷob in poti tatua, tobatú tampat pongongampungan kon dosa. Táe tua mita in diá koinsilangan batu-batúon tanaa mako.

YOHANES 1 2:2

Bo pinotonsigad kon i Yesus Kristus tuata, bayongan in dosa naton inampungan. Bo deemanbí doman tongá taḷá naton, táe taḷábí doman in bayongan intau.