IḶUAIAN 37:25 - Alkitab Singog In Mongondow Masa In Tanaa

²⁵ Ki Bezaleel nomia kon mezbah tobatú nongkon kayu akasia sin pototubáan kon dupa. Mezbah tatua notonggopat; koḷanggó bo kooḷadnea in togogopat nopuḷú bo ḻima nosenti bo koḷantudnea in siow nopuḷú nosenti. Bo kon sikunea opat dotá in omonikanea pinomiaan kon tungoi inta pinoyotobatú takin mezbah tatua.

IḶUAIAN 37:25 Mawu Ofanana

TAWARIKH 2 26:16

Naonda in ki Datu Uzia noropot, nobaḻídon in sia mododia, bo tua in nokopopisí kon kinorimumudannea. Iḻimimpat in sia kon parenta i Tuhan Allahnea sin sinumuot kon Baḷoi Tuhan sin motubá kon dupa kon tudu in mezbah in dupa.

IḶUAIAN 31:8

inta meja bo touḷutnea, sioḷ in totuduan togá inta nongkon buḷawan totokea takin touḷutnea, mezbah pototubáan kon dupa,

IḶUAIAN 35:15

mezbah pototubáan kon dupa takin kayu tombuḻigannea, ḷana pakéon kon upacara, dupa inta mobondu; toḻipoi inta pakéon kon ḷoḻingkop in Ḷoḷaigan,

IḶUAIAN 37:24

Buḷawan taakan inta pinaké inaidan sioḷ totuduan in togá takin touḷutnea kobogatnea in toḷu nopuḷú bo ḻima nokilo.

IḶUAIAN 37:26

Dotá in ḻimonikannea, sínea opat bo tungoinea mita inoḻitan in buḷawan taakan bo ḻibunea in pinomiaan kon bongkow buḷawan.

IḶUAIAN 40:5

Ukatdon in mezbah buḷawan pototubáan kon dupa kon tayowon in Poti Dodandian, bo popobambédon in toḻipoi kon ḷoḻingkop in Ḷoḷaigan.

MATIUS 23:19

Ei moiko intau mita bilog! Onu degá in moponti-ponting barang pinosumba andeka meja inta nokokudus kon inta pinosumba tatua?

IBRANI 13:10

Oyúonbí in meja pobobogoian naton kon sosumba kon i Allah. Bo imang mita inta nogaid kon bonu in Baḷoi Tuhan, diábí motaau in mokaan kon kuruban inta kon tudu in meja tatua.

IBRANI 7:25

Manangka intua ki Yesus in umuranbí motaau moposaḷamat kon intau mita inta namangoi kon i Allah inta mongin i-Nia. Sin Sia in nobiag mononoi bo umuran mopoyaput in mintahang kon i Allah sin kopontingan intau mita tatua.

IBRANI 9:4

Kon bonu in yuang tatua oyúon in tobatú meja pototubáan kon sosumba, meja inta pinomia nongkon buḷawan. Oyúon doman in poti Dodandian inta komintan inoḻitan in buḷawan. Kon bonu in poti tatua oyúon in kuyon buḷawan inta binonuan in manna, tungkud i Harun inta ain nomoḻimping, bo batu doyowa inta pinomaisan kon parenta i Allah inta mopuḷú.

PETRUS 1 2:5

Moiko nion in batu mita inta nobiag. Tuamai moiko in musti moibog pakéon pobaḷoi kon baḷoi i Allah inta kon soroga. Takin natua moiko in mobaḻí imang mita inta nobiag tongádon kon i Allah, bo inta pinongin i Yesus Kristus noposumba kon i Allah in kuruban inta mokosanang kon gina-Nea.