IḶUAIAN 34:9 - Alkitab Singog In Mongondow Masa In Tanaa

⁹ Gumannea, “Tuhan, aka totu-totuu kon ibog-Mu in akuoi, akuoi mopoigum, moibogdon ki Tuhan moyotakin nami. Bangusa tatua totuu kon motogat in gina, táe ampungaipa in raat bo dosa nami bo tarimadon kami mobaḻí umat-Mu tontaní.”

IḶUAIAN 34:9 Mawu Ofanana

MAZMUR 135:4

Ki Yakub in piniḻí-Nea kon i-Nia, umat in Israel binaḻí kapunyaan-Nea.

MAZMUR 25:11

Tuhan, ampungaidon in akuoi podudui in dandi-Mu, sin moḷobendon in taḷáku.

MAZMUR 28:9

Posaḷamatdon in umat-Mu, o Tuhan, barakataidon in intau-Mu mita. Kobaḻídon naonda bo gombala kon i monia, bo ḷukadaidon in mosia modapot in mononoi.

MAZMUR 33:12

Pia in kamang in bangusa inta nongaku kon ki Tuhan in ki Allahnea, pia in kamang in umat inta piniḻí-Nea nobaḻí kapunyaan-Nea!

MAZMUR 78:62

Sinumorú in Sia kon umat-Nea, kapunyaan-Nea inta piniḻí-Nea, bo binió-Nea mako in mosia iḻimod in kedang.

MAZMUR 94:14

Sin ki Tuhan in diábí monaḷámai kon umat-Nea; Sia in diábí moḻiong kon kapunyaan-Nea.

IḶUAIAN 19:5

Tanaa aka moiko motoindudui kon i-Nakó bo tumoḷutui kon dodandian-Ku, moiko in baḻíon-Ku umat-Ku tontaní. Bayongan in butá tanaa Akuoi in kitogi, táe moiko in baḻíon-Kudon umat-ku inta kotabi-Ku,

IḶUAIAN 32:9

Kinotaauan-Kubí kon bangusa mita tatua panggit in gina.

IḶUAIAN 33:12

Kon singgai tobatú ki Musa noguman kon i Tuhan, “Tuhan, Iko nopotabádon kon inakó modia kon bangusa tanaa mayá in butá inta pinodandi-Mu. Táe diábí pinoguman-Mu mongo ki ine in potabá-Mu motuḷung kon inakó. Tuhan, Iko noguman kon kinotaauan-Mu bo kinoibog-Mu in akuoi.

IḶUAIAN 34:7

Umuranbí in Akuoi motabi kon ribuan buí bo mongampung kon taḷá bo dosa; táe intau inta kon dosa in diábí pomayá-Ku mako takin diá hukumon, bo hukumon-Ku doman in adí mita bain ompu modapot kon buí nogintoḷu bo noginggopat popisí in dosa in guyanga monia.”

YESAYA 48:4

Kinotaauan-Ku kon iko in motogat in gina, motontogat in uḷu naonda bo pamandot.

YEREMIA 10:16

Ki Allah i Yakub in diábí notongkai in berhala mita tatua; Sia in momomaḻí kon bayongan in yagi-yagi. Tangoi-Nea in ki Tuhan Inta Totok in mokawasa; Sia in nomiḻídon kon Israel nobaḻí umat-Nea.

MIKHA 7:18

Diábí in Allah ná Iko, o Tuhan, inta mongampung kon dosa in umat inta piniḻí-Mu inta ki agatneapa. Diábí modapot in mononoi tumorú in Iko; táe, mopiabí in gina-Mu in moponiata in tabi-Mu inta diá in obotnea tatua.

ZAKHARIA 2:12

Komintanpa doman Yohuda in mobaḻídon umat inta sinondídon kon i Tuhan kon butá-Nea inta motusi, bo Yerusalem in mobaḻí kotá inta totok in kinotabi-Nea.

PINOGIAPAN 14:19

Tanaa, Tuhan, popisí in moḷoben totok in tabi-Mu bo Iko mosatia kon onu inta ain pinodandi-Mu, dá poigumonku, ampungaidon in dosa in intau mita tanaa ná Iko ain nongampung kon i monia pinangkoipamai mosia nonaḷámai kon butá in Mesir.”

MATIUS 28:20

Bo tundú in mosia mogaid kon onu inta aindon pinoguman-Ku kon i monimu. Bo bá kotaauan monimu, kon Akuoi in umuranbí kotaki-takin monimu modapot in singgai pangabisan.”

ULANGAN 32:9

Táe buí i Yakub in tanaa piniḻí i Tuhan kon i-Nia tontaní.

ULANGAN 4:20

Táe moiko in bangusa inta pinosaḷamat-Nea nongkon Mesir, tampat inta kinororigaan totok monimu. Moiko in dinia-Nea iḻumuai nongkon butá tatua, sinbá mobaḻí bangusa-Nea tontaní ná kaadaanmu tanaa mako.

ULANGAN 9:18

Bo komintanpa doman in akuoi minayá dinumokó kon tayowon i Tuhan kon tudu in buḷud opat nopuḷú nosinggai bo opat nopuḷú nogobii in koonggotnea takin diá nopongaa-ngaan ande diá noponginu-nginum. Tua in pinomiaku sin moiko aindon nogaid kon dosa kon i Tuhan takin nomia kon onu inta inanggap-Nea moraat, dá sinumorú in Sia.

ULANGAN 9:26

bo nosambayang nanaa: O Tuhan Inta Totok in Moḷantud, dikadon yopúon in umat kapunyaan-Mu tanaa, bangusa inta pinoḷuat-Mudon bo dinia-Mu iḻumuai nongkon Mesir takin ropot bo kawasa-Mu inta moḷoben.

ULANGAN 9:29

Táe toropdon, o Tuhan, kon mosia naa in bangusa inta piniḻí-Mu nobaḻí umat-Mu, bo dinia-Mu nongkon Mesir takin ropot bo kawasa-Mu inta moḷoben.”