IḶUAIAN 34:29 - Alkitab Singog In Mongondow Masa In Tanaa

²⁹ Kon tungkuḷ in ki Musa nosiḻig nongkon Buḷud in Sinai kodia-dia in Parenta Mopuḷú tatua, pogotnea in nonindar sin sia ain nongonguman i Tuhan, táe ki Musa tontaní in diábí nonotaau kon pogotnea tua in nonindar.

IḶUAIAN 34:29 Mawu Ofanana

IḶUAIAN 16:15

Naonda intau Israel nokoontong kon tua, diá kinotaauan monia mongo onu intua. Dá nosiḻibóandon in mosia, “Onu intua?” Bo ki Musa in noguman kon i monia, “Tuata in kaanon inta inogoi i Tuhan kon i monimu.

IḶUAIAN 31:18

Naonda in nopaḷut mako noyosingog i Musa kon tudu in Buḷud Sinai, ki Allah nobogoidon kon inia in batu doyowa inta pinomaisan i Allah kon parenta-Nea mita.

IḶUAIAN 32:15

Ki Musa in nosiḻigdon nongkon buḷud tatua takin kodia-dia in batu inta posiḷosi pinomaisan kon parenta mita i Allah.

IḶUAIAN 34:35

bo inontong monia pogot i Musa nonindar. Dá inoḻingoianneadon bui in pogotnea modapot in sia tumuotdon bui sin moyosingogdon bui i Tuhan.

MOHOHUTUBA 8:1

Totuu mosanang in intau mobijaksana. Kotaauannea in tubag in bayongan pelekara. Pandoi nokopomomi kon inia sin pia in gina, dá pogotnea in umuranbí motarimbuka.

MATIUS 17:2

Indoianmai batangan i Yesus nobaḷuibí kon tayowon monia; Pogot-Nea nonindar ná mata in singgai, bo ḷambung-Nea in nobaḻí nobudó mopouḻi-uḻinag naonda bo bayag.

MARKUS 14:40

Nopaḷut mako nosambayang, bui namangoi kon murí-Nea mita in Sia, kinobayáan-Neamai nosiugpa doman mako in mosia sin sinomposiugdon totok. Dá diádon kotaauan monia mongo onupa in poguman kon i Yesus.

MARKUS 9:6

Sabanarnea diádon kinotaauan i Petrus mongo onu in musti singogonnea, sin sia takin yobayatnea taya dua tua in totokpa inangoian ondok.

LUKAS 2:49

Táe ki Yesus notubag, “Nongonu sin ki amá bo ki iná in motayakbí kon i-Nakó? Eta degá diábí kinotaauan i amá bo i iná kon Akuoi in mustibí oyúon kon bonu in Baḷoi i Amá-Ku?”

LUKAS 9:29

Wakutu in ki Yesus yogot nosambayang kon tua, indoianmai yo pogot-Nea in nobaḷui bo ḷambung-Nea in nobaḻídon nobudó mopouḻi-uḻinag.

YOHANES 5:13

Táe diá kinotaauan in intau inta bagu inundaman tatua mongo ki ine in nopotabá kon inia tua, sin ki Yesus in minayádon bo kinooḻingoiandon in intau mobarong kon tua.

OUMAN IN RASUL MITA 12:9

Bo dinumudui in ki Petrus kon malaekat tatua iḷumuai nongkon ponjara tatua. Táe diábí kinotaauannea kon onu inta inaidan malaekat tatua in totu-totuubí nobaḻí. Kainia kamai dá tongábí ná oyúon in noiḷabotmai kon matanea.

OUMAN IN RASUL MITA 23:5

Ki Paulus in notubag, “Ei utat mita, diábí kinotaauanku kon sia tua in imangbí moḷoben. Totuu kon nanaabí in pinais, ‘Donaaibí in iko mosingog kon moraat kon tobatú intau inta nobaḻí itoi monimu.’ ”

OUMAN IN RASUL MITA 6:15

Bayongan in intau kon pinosidangan tatua komintan inimindoi kon i Stepanus. Inontongmai monia in pogot i Stepanus nádon pogot in malaekat.

KORINTUS 2 3:13

Kami in deemanbí ná ki Musa inta nogoḻingoi kon pogotnea sinbá diá ontongon in intau Israel koinggamáan in bayag inta tongá samantara tatua.

ULANGAN 10:5

bo akuoi nosiḻigdon bui kon buḷud. Bo podudui in parenta i Tuhan, batu doyowa tatua binonuku kon poti inta pinomiaku–bo pinangkoi kon dodai intua nodapot in tanaa mako batu tulis doyowa tatua umuranpabí kon tua.” (

YOSUA 2:4

“Totuubí kon oyúonbí in intau namangoi in baḷoiku,” tubag i Rahab, “tongá diábí kinotaauanku mongo nongkon onda in mosia. Mosia in minayádon kon tungkuḷ in noungkuḷomdon kon dodai in ḷoḻingkop in kotá diápa iḻingkopan. Bo diá doman iḻibóku mongo mayá in onda in mosia, táe aka ḷagi batukon in mosia, dá degá kobatukanpabí.” (Bokaka toimata doyowa tatua in binunidon i Rahab kon bontuyungan in wawa kon ḷuntung in baḷoinea.)

YOSUA 8:14

Naonda in kinoontongan i datu in Ai in intau mita i Yosua, dá ḷagidon in sia nomarenta. Sia bo bayongan in intaunea mita iḻumuai nopobayá ná ḷopá in Yordan sin monubu kon intau in Israel kon tampat inta koḻipod. Diábí kinotaauannea kon topípa bo sia tua in tubuon doman nongkon tumi.

WAHYU 1:16

Ḻima-Nea koḷanan in nokadai kon tundi pitu, bo kon bibig-Nea iḷumuai in tobatú pitow moḷanit inta doyowa in matanea. Pogot-Nea in monindar naonda bo mata in singgai inta noutudon.

WAHYU 10:1

Bo akuoi in nokoontong kon tobatú malaekat ibanea inta moroton noponag nongkon soroga. Sia inoḻiungan in goḷom bo kinobandowan in aḻibobag. Pogotnea in naonda bo mata in singgai, sioḷnea in naonda bo oigi tuḷu.

HAKIM MITA 16:20

Bo sia in nomaḷú, “Simson! Intau in Pilistin niondon!” Ki Simson in nobangon bo kainia kamai sia in moiḷuatpa ná biasamai. Diábí kinotaauannea kon ki Tuhan in nonaḷámaidon kon inia.