IḶUAIAN 34:22 - Alkitab Singog In Mongondow Masa In Tanaa

²² Porameaidon in Pesta Posipunan kon Boyó kon sempo in moiko mogamá kon bungai in gandum inta ḷontú. Porameaidon doman in Pesta Pondok Daun kon buit in taong, kon dodai in moiko mosipú kon bungai in ayop.

IḶUAIAN 34:22 Mawu Ofanana

TAWARIKH 2 8:13

Kuruban mita tatua in pinosumbanea podudui in hukum i Musa inta kon muḷoi in singgai moḷoben: Singgai moḷoben Sabat, Singgai moḷoben Buḷan Mobagu, bo toḷu in singgai moḷoben taongan, inta singgai moḷoben Roti Diá Iragian, singgai moḷoben Posipunan kon bungai in boyó, bo singgai moḷoben in Ḷuḷung in Daun.

IḶUAIAN 23:14

“Batúan in taong moiko musti kotoḷu mogaid kon rame moḷoben sin mohoromat kon i-Nakó.

IḶUAIAN 23:16

Aidai domandon in Pesta Posipunan kon Boyó kon dodai in moiko momangkoidon monoinut kon bungai in boyó dungkuḷ kon gobámu. Aidai doman in Pesta Pondok Daun kon buit in taong kon dodai in moiko mosipun kon boyó in anggur bo ayop mita.

IMAMAT 2:12

Nongkon bungai in boyó inta ḷontú pomuḷoi in taong, tongosiḷai in musti posumba kon i Tuhan, táe diábí motaau in tubáan kon tudu in mezbah.

IMAMAT 23:15

Pangkoion kon mopaḷut mako in Sabat, kon dodai in moiko moposumba kon i Tuhan in bungai mita in gandum inta muna, musti iapon monimu pitu nodiminggu in motompod.

PINOGIAPAN 29:1

Kon singgai imitánea buḷan noginpitu moiko musti momia kon poyodungkuḷan sin moibada, bo diádon in motaau mogaid kon oaidan inta mobogat. Kon singgai tatua bayongan torompet musti daiton irupon.

YOHANES 7:2

Dodai intua diádon moonggot bo porayaan kon Singgai Moḷoben in Pondok Daun.

OUMAN IN RASUL MITA 2:1

Naonda in singgai Pentakosta, inta singgai iḻima nopuḷú nongkon kino bingkatan i Yesus, bayongan in intau mopirisaya in noyosipun kon tampat tobatú.

ULANGAN 16:9

“Pogintádon kon pitu nodiminggu pangkoion kon singgai dungkuḷ moiko moratab kon gandum,