IḶUAIAN 34:14 - Alkitab Singog In Mongondow Masa In Tanaa

¹⁴ Dika mosumba kon ilah ibanea, sin Akuoi ki Tuhan, in Allah inta doí potongkaion in onukabí.

IḶUAIAN 34:14 Mawu Ofanana

DATU MITA IMITÁNEA 14:15

ki Tuhan in mohukumbí kon Israel dá modandúdon ná tampiring kon bonu in tubig. Ki Tuhan in morabutbí kon rayat in Israel bo nongkon butá inta mopia tanaa inta inogoi-Nea kon mogoguyang monia. Sia in moporaritbí kon i monia kon ḷoḷan in Ongkag in Eprat, sin mosia in nopomukádon in torú-Nea sin nomia kon patong mita i dewi Asyera.

DATU MITA IMITÁNEA 19:10

Ki Elia notubag, “O Tuhan, Allah Inta Totok in mokawasa, akuoi in umuran mogaid tongábí kon ini-Mu. Táe umat in Israel in iḻimimpat kon dodandian monia takin-Mu. Mosia in nongokai kon mezbah-Mu mita bo noḻimod kon nabi-Mu mita. Dongkadon akuoi in naa, bo tanaa in tayakondon monia ḻimodon in akuoi!”

IḶUAIAN 33:19

Tubag i Tuhan, “Akuoi in tumaḻib takin bayongan koagungan-Ku kon tayowonmu, sindaḷan mopotaau in tangoi-Ku inta motusi. Akuoi naa in ki Tuhan, bo Akuoi mopoontong in pia in gina bo tabi kon intau mita inta piniḻí-Ku.

YESAYA 57:15

Sin nanaa in guman i Allah, Inta Totok in moḷantud bo mokudus, inta nongawasa modapot in mononoi, “Akuoi in nogutun kon tampat inta moḷantud bo inta motusi, táe kon yua-yuakbí doman in intau mita inta moompá in dodia bo inta nomanasaḷ in nogaid kon dosanea mita, sin mopoguḻí bui kon ibog bo kamang monia.

YESAYA 9:6

Sia in momarenta saḷaku datu buí i Daud, kawasaannea totok in moḷoben. Butánea in umuran modame bo mobiag mooyúon; pomarentaannea in pinodoyon kon hukum bo koadilan tanaa mako modapot in mononoi. Ki Tuhan Inta Totok in Mokawasa notantúbí kon mogaid kon tua.

YEHEZKIEL 23:25

Tuamai in tumorú in Akuoi kon inimu, pomayá-Ku mako in mosia in momia kon inta moḻingá kon inimu. Ngiung bongoḷanmu in pongkóonbí monia bo ki adímu mita in gamáanbí bo tubáan kobia-biagpa.

NAHUM 1:2

Ki Tuhan Allah in doíbí toḻinduaan, intau inta moḷawang kon i-Nia, notantúbí kon mokouḻí kon hukuman. Noidoyon kon torú inta moḷoben Sia in notuḻí kon aid monia.

MATIUS 4:10

Dá ki Yesus in notubag, “Bayádon iko, Ibilis! Sin aindon pinais nanaa: Iko in musti mosumba kon i Tuhan, ki Allahmu, bo tongábí Sia in motaau poibadaanmu!”

KORINTUS 1 10:22

Ande degá mopoterengbí kon i Tuhan? Eta kita in moropo-ropot in ki Tuhan?

ULANGAN 29:20

Ki Tuhan in diábí mongampung kon intau ná tatua. Táe, Sia in kotugatanbí in torú i Tuhan inta moḷoben, bo bayongan bodito inta pinais kon bonu in buk tanaa in moiumabí kon inia modapot in sia yopúon i Tuhan.

ULANGAN 32:16

Mosia in nosumba kon berhala, dá nointoi in ki Tuhan, torú-Nea nomuká popisí in aid moraat tatua.

ULANGAN 32:21

Pinomia monia in Akuoi nointoi kon inta deeman Allah, bo sinumorú kon patong in berhala monia. Dá binaḻí-Ku in umat-Ku nointoi kon inta deeman bangusa-Ku, bo sinumorú kon bangusa inta pompuḷong.

ULANGAN 4:24

sin ki Tuhan Allahmu naonda bo tuḷú inta mokopokak. Sia in doíbí potongkaion in onukadon.

ULANGAN 5:24

Mosia noguman, ‘Ki Tuhan, Allah naton, ain nopoontong kon i naton in kamuliaan bo kawasa-Nea, bo singog-Nea aindon dinongog naton nongkon yuak in tuḷú. Singgai naa aindon inontong nami, ki Tuhan ain nongonguman takin intau bo intau tatua in umuranpa nobiag.

ULANGAN 5:7

Dika mosumba kon ilah mita ibanea. Tongádon Akuoi in sumbáan.

ULANGAN 6:15

Aka moiko mosumba kon ilah mita ibanea, dá moiko in umuranbí kotugatan in torú i Tuhan Allahmu bo yopúon-Nea komintan, sin ki Tuhan Allahmu inta kon sigad monimu nion in doíbí potongkaion in onuka.

YOSUA 24:19

Bo ki Yosua noguman, “Táe moiko in dikabo diá mokosanggup mogundoi kon i Tuhan, sin Sia tua in ki Allah inta mokudus, bo tongábí Sia in ki Tuhan. Sia in doíbí toḻinduaan. Aka moiko monaḷámai kon i-Nia bo mogundoi kon ilah mita ibanea, diá bidon ampungan-Nea in dosamu, sedang bo ḷawangon bo hukumon-Neabí in moiko. Yompaton-Neabí in moiko, umpakabí koḻipod in mopia in Sia kon inimu.”

HAKIM MITA 6:10

Aindon pinoguman-Ku kon inimu kon Akuoibí in ki Tuhan Allahmu, bo moiko in diábí motaau mosumba kon dewa mita in bangusa in Amori inta butá monia in pinogutunan monimu masai naa. Táe moiko in doíbí dinumudui kon parenta-Ku.’ ”