IḶUAIAN 33:9 - Alkitab Singog In Mongondow Masa In Tanaa

⁹ Naonda in ki Musa tumuot, moponagdon in oigi goḷom bo mogogai kon ngara in Ḷoḷaigan. Nongkon goḷom tatua ki Tuhan moyosingog takin i Musa.

IḶUAIAN 33:9 Mawu Ofanana

KINOBAḺIAN 17:22

Naonda in nopaḷut mako noguman natua, ki Allah nonaḷámaidon kon i Abraham.

KINOBAḺIAN 18:33

Naonda in nopaḷut nongonguman takin i Abraham, ki Tuhan minayá, bo ki Abraham nobuidon kon baḷoinea.

MAZMUR 99:7

Nongkon oigi goḷom nosingog in Sia kon i monia, mosia in notoḷutui kon bayongan in hukum bo parenta-Nea.

IḶUAIAN 25:22

Kon tampat tatua Akuoi moyodungkuḷmu, bo nongkon ḻimonik in taḷobnea, kon sigad in kerub doyowa tatua, Akuoi mobogoi in hukum-Ku mita kon inimu bo potaaumudon kon bangusa Israel.”

IḶUAIAN 31:18

Naonda in nopaḷut mako noyosingog i Musa kon tudu in Buḷud Sinai, ki Allah nobogoidon kon inia in batu doyowa inta pinomaisan i Allah kon parenta-Nea mita.

IḶUAIAN 33:10

Kon dodai intau Israel mokoontong kon oigi goḷom kon ngara in Ḷoḷaigan i Tuhan, mosia komintan simindog bo dumokó kon ngara in ḷoḷaigan monia tontaní.

IḶUAIAN 33:11

Ki Tuhan noyosingog i Musa noyogintayowan mako, ná intau noyosingog in yobayatnea. Nopaḷut mako kon tua ki Musa nobuidon kon ḷoḷaigannea. Táe ki Yosua ki adí i Nun, tayowmobiag tobatú inta motuḷungmai kon i Musa, umuranpa nogutun kon bonu in Ḷoḷaigan tatua.

IḶUAIAN 33:8

Aka ki Musa mayá in Ḷoḷaigan tatua, yo intau mita Israel simindog kon tayowon ngara in ḷoḷaigan monia bo moḻiḻímai kon i Musa dapot in sia tumuot.

IḶUAIAN 34:3

Diá tobatúmai intau motaau tumakin kon inimu ande simindog kon dotá in ondakabí kon buḷud tatua. Sapi bo domba mita donaai pomayá mako mayá mokaan kon bonok kon tua.”

IḶUAIAN 34:5

Dá noponagdon in ki Tuhan kon bonu in goḷom tobatú; Sia in sinimindog takin i Musa kon tampat tatua, bo nonangoi kon tangoi-Nea inta motusi, tuata in Tuhan.

IḶUAIAN 34:9

Gumannea, “Tuhan, aka totu-totuu kon ibog-Mu in akuoi, akuoi mopoigum, moibogdon ki Tuhan moyotakin nami. Bangusa tatua totuu kon motogat in gina, táe ampungaipa in raat bo dosa nami bo tarimadon kami mobaḻí umat-Mu tontaní.”

YEHEZKIEL 3:22

Kinorasaanku in ropot in kinoangoian i Tuhan bo dinongogku in Sia noguman kon inakó, “Pobangondon bo bayádon kon ḷopá. Kon tua Akuoi in mopoyaput in singog kon inimu.”

PINOGIAPAN 11:17

Moponag in Akuoi bo moyosingogmu kon tampat tatua, bo tosilai nongkon kawasa inta ain inogoi-Ku kon inimu, ogoi-Kudon kon i monia. Dá motaaudon in mosia motuḷung kon inimu mobaba kon onu inta pinoki totaau kon bangusa tanaa, bo dikadon tongá iko tontaní in mobaba kon tua.

PINOGIAPAN 7:89

Pomuḷoi in ki Musa tumuot kon Ḷoḷaigan i Tuhan sin moyosingog i Tuhan, sia mokodongog kon singog i Tuhan inta moguman kon inia nongkon tudu in taḷob in Poti Dodandian inta sinoyuak in patong kerub doyowa.

ULANGAN 31:14

Onda intua ki Tuhan noguman kon i Musa, “Kobiaganmu in diádon moonggot. Dá, oinídon in ki Yosua bo diádon in sia kon Ḷoḷaigan-Ku, sinbá Akuoi in motaaudon mobogoi in topotundú mita kon inia.” Dá minayádon in ki Musa bo ki Yosua kon Ḷoḷaigan i Tuhan,

ULANGAN 31:15

bo ki Tuhan nokipogontong kon i monia kon bonu in oigi goḷom kon diug in ngara in Ḷoḷaigan.