IḶUAIAN 33:8 - Alkitab Singog In Mongondow Masa In Tanaa

⁸ Aka ki Musa mayá in Ḷoḷaigan tatua, yo intau mita Israel simindog kon tayowon ngara in ḷoḷaigan monia bo moḻiḻímai kon i Musa dapot in sia tumuot.

IḶUAIAN 33:8 Mawu Ofanana

IḶUAIAN 33:7

Pomuḷoi mako, aka bangusa Israel mononḷoḷaigan, ki Musa mogamá kon Ḷoḷaigan bo posindogonnea koḻin yayúon nongkon ḷoḷaigan mita monia. Ḷoḷaigan tatua sinangoian Ḷoḷaigan i Tuhan, bo ki ine in moibog moigum kon tonggina i Tuhan, mayá intua.

IḶUAIAN 33:9

Naonda in ki Musa tumuot, moponagdon in oigi goḷom bo mogogai kon ngara in Ḷoḷaigan. Nongkon goḷom tatua ki Tuhan moyosingog takin i Musa.

PINOGIAPAN 16:27

Bo intau mita tatua iḷumuai nongkon ḷoḷaigan mita i Korah, i Datan bo i Abiram. Ki Datan bo ki Abiram aindon iḻumuai bo sinimindogdon mako kon ngara in ḷoḷaigan monia tontaní takin adí bo buḷoi monia.