IḶUAIAN 33:19 - Alkitab Singog In Mongondow Masa In Tanaa

¹⁹ Tubag i Tuhan, “Akuoi in tumaḻib takin bayongan koagungan-Ku kon tayowonmu, sindaḷan mopotaau in tangoi-Ku inta motusi. Akuoi naa in ki Tuhan, bo Akuoi mopoontong in pia in gina bo tabi kon intau mita inta piniḻí-Ku.

IḶUAIAN 33:19 Mawu Ofanana

NEHEMIA 9:25

Umat-Mu nogagow kon benteng mita poḷoḷukadan, butá inta mopia bo baḷoi inta nopuḻing in kaoyúonan. Parigí mita bo bokaká mita in tubig ginamá monia, gobá in anggur, pangkoi in zaitun bo ayop mita ibanea. Iḷumongow in mosia sin mongaan kinooibogbí in gina. Bayongan in mopia inta inogoi-Mu pinaké monia.

MAZMUR 25:13

Mosia in umuranbí mobiag mooyúon, adí bo ompu monia in mogabatbí kon butá budel.

MAZMUR 65:4

Dosaku mita moiḻiudon in bogat kon inakó, táe inampungan-Mudon.

YESAYA 12:4

Moiangoibí in wakutunea moiko in moguman, “Posukurdon kon i Tuhan, bo sumbadon in Sia. Potaaudon kon bangusa mita koagungan bo bayongan in inta inaidan-Nea.

YESAYA 7:14

Tanaa, ki Tuhan tontaní in mobogoi in tomponuot kon inimu: Mongodeaga tobatú inta sidia in mopononggadíbí in ḷoḷaki tobatú inta sinangoiannea Imanuel.

YESAYA 9:6

Sia in momarenta saḷaku datu buí i Daud, kawasaannea totok in moḷoben. Butánea in umuran modame bo mobiag mooyúon; pomarentaannea in pinodoyon kon hukum bo koadilan tanaa mako modapot in mononoi. Ki Tuhan Inta Totok in Mokawasa notantúbí kon mogaid kon tua.

YEREMIA 31:12

Mosia in mamangoi in Tombuḷud in Sion takin pogot motamburiang, poḷat modondong takin pia in gina popisí in bayongan inta inogoi-Ku kon i monia, gandum, ḷana, anggur, sapi bo domba. Mosia in mobaḻídon naonda bo taman inta mobayong in tubignea, bo diábí kodaitan in onu bo onu.

YEREMIA 31:14

Imang mita in poguḻíon-Kubí in kaanon inta mobayong totok; bo bayongan inta paraḷuon in umat-Ku ogoi-Kubí. Akuoi, ki Tuhan, inta noguman.”

ZAKHARIA 9:17

Totuu mopia in butá i Tuhan kon singgai moiduduimai, totuu mopia bo moḷunat! Kon tua anggur bo gandum motoḷubú in kobobiagnea, mokoropot kon tayowmobiag bo mongodeaga.

SURAT I PAULUS KON JAMAAT RUM 2:4

Andeka diá pandungonmai monimu in totabi, kososabar-Nea bo kopopia in gina-Nea in notarima kon i monimu? Tantú kinotaauan bidon monimu kon ki Allah in nopoontong in kopopia in gina-Nea, sin ibogon-Nea moiko in mogogaidon mogaid kon dosa mita.

SURAT I PAULUS KON JAMAAT RUM 9:23

Ki Allah in moibog doman mopoontong in kobiagan mopia kon i naton inta kinotabi-Nea. Kita in sinadia-Neadon motarima kon kobiagan mopia tatua.

ULANGAN 32:3

Akuoi in modayow kon tangoi i Tuhan. Potaaudon in kokokawasa i Allah naton!