IḶUAIAN 33:14 - Alkitab Singog In Mongondow Masa In Tanaa

¹⁴ Ki Tuhan noguman, “Moiko in ḷukadan-Ku sinbá mokouḻí kon butá inta pinodandi-Ku.”

IḶUAIAN 33:14 Mawu Ofanana

AYUB 34:29

Aka ki Allah in monantúdon kon tongá kibio-biómai, diábí tobatúmai in intau mokobaḻí mosingog kon i-Nia. Aka mogadop in Sia, diábí tobatúmai intau in mokouḻí kon i-Nia.

MAZMUR 95:11

Dá Akuoi in nongibot kon bonu in torú-Ku, mosia in diábí tumuot kon butá tatua bo mokouḻí kon pogogaian takin-Ku.”

IḶUAIAN 13:21

Aka singgai, ki Tuhan mayá umuna kon i monia takin mokipogontong naonda bo oigi goḷom bo aka doḷom sia mayá kon muna monia kon bonu in oigi tuḷú sin motundú kon daḷan bayáan monia. Natua in nobaḻí dá mosia notaau in minayá singgai bo doḷom.

IḶUAIAN 3:12

Ki Allah in notubag, “Akuoi in motuḷungbí kon inimu. Bo aka bangusa tatua diaanmudon ḷumuai nongkon Mesir, yo moiko in mosumbadon kon i-Nakó kon buḷud tanaa. Tuadon in mobaḻí tanda kon Akuoibí in nopotabá kon inimu.”

YESAYA 63:9

Sia tontaní in kinoantugan in roriga monia. Ki Tuhan in diábí nopotabá in totabá andeka duta; Siabí tontaní inta nopoḷuat kon i monia popisí in tabi bo totabi-Nea. Sia in umuranbí momiag kon i monia nongkon tungkuḷpabímai.

YEREMIA 31:2

Kon padang gurun Akuoi ain noponiata in tabi-Ku kon i monia inta ain noiḷagui kon popatoi. Kon dodai in umat in Israel notayak kon koodoman,

YEREMIA 6:16

Ki Tuhan in noguman kon umat-Nea, “Sindogdon kon poyotangaan mita in daḷan, bo taridiadon kopira! Ḻibódon in daḷan mita dungkuḷmai, bo onda in mopia-pia kon sigadnea. Duduiaidon in daḷan tatua, sinbá moiko in mobiag moodom.” Táe mosia in noguman, “Diá, kami in doíbí mongin daḷan tatua!”

DANIEL 12:13

Iko Daniel, kotoinduduidon modapot in kopaḷutannea. Iko in matoibí, táe mobiagbí bui sin motarima kon tondan in pinogaidanmu kon singgai tumi.”

MATIUS 11:28

Angoidon kon i-Nakó, moiko komintan inta mongoḷopí, bo intau inta kopota-potaan in mosibuḷ, sinbá ḷuatan-Kudon intua kon i monimu.

MATIUS 28:20

Bo tundú in mosia mogaid kon onu inta aindon pinoguman-Ku kon i monimu. Bo bá kotaauan monimu, kon Akuoi in umuranbí kotaki-takin monimu modapot in singgai pangabisan.”

ULANGAN 12:10

Naonda in moiko ḷumoḷan kon Ongkag in Yordan, ki Tuhan Allahmu in motuḷungbí kon i monimu ḻimitú bo mogutun kon butá inta kon ḷoḷan in ongkag tatua. Sia in mogoḻingoibí kon i monimu nongkon bayongan musung, bo moiko in mobiagbí moaman bo motompia.

ULANGAN 25:19

Tuamai, aka ki Tuhan Allahmu mobogoidon in butá tatua kon inimu bo moiko moamandon nongkon bayongan musung inta nogutun kon ḻibumumai, yo bayongan intau in Amalek tua in mustibí modait ḻimodon dá mosia in diádon toropon bui. Dika koḻiongan!”

ULANGAN 3:20

Tuḷungaidon in intau mita tobangusamu modapot in mosia ḻimitú kon butá inta bain ogoi i Tuhan Allahmu kon i monia kon dotá in toyopan kon Ongkag in Yordan, bo modapot in ki Tuhan mobogoi kon i monia mobiag motompia kon tua, ná inta inaidan-Nea kon inimu kon naa. Bain tua bo moiko motaaudon mobui kon butá kapunyaanmu inta ain inogoiku kon i monimu.

ULANGAN 31:8

Ki Tuhan tontaní in mokapit bo motuḷung kon inimu. Diábí pokuyangon-Nea in ginamu bo diábí doman taḷaan-Nea in iko, tuamai dikadon moondok ande mogagawang.”

ULANGAN 4:37

Popisí in motabi in Sia kon mogoguyangmu, dá moiko aindon piniḻí-Nea; takin kawasa-Nea inta moḷoben moiko dinia-Neadon iḻumuai nongkon Mesir.

YOSUA 1:5

Tobatúmai in intau diábí in mokotaḷow kon inimu, Yosua, kinoouputbí in kinobiaganmu. Sin umuran-Kubí takinan in iko ná ki Musa koḻipod. Diábí in Akuoi monaḷámai kon inimu.

YOSUA 21:44

Dá podudui kon onu inta pinodandi i Tuhan kon mogoguyang monia, butá tatua nodame sin iḷukadan i Tuhan. Musung mita monia diá in tobatúmai in mokotaḷow kon i monia, sin ki Tuhan in nobogoi in kauntungan kon intau in Israel nongkon bayongan in musung monia.

YOSUA 22:4

Dá podudui in dandi-Nea, ki Tuhan Allahmu ain nobogoi in kobiagan notompia kon i utatmu mita, intau in Israel ibanea. Dá, pobuidon in tanaa mako kon butámu tontaní kon dotá in pomukaan kon Ongkag in Yordan tatua inta inogoi i Musa kon inimu koḻipod.

YOSUA 23:1

Noonggot naonda in ki Tuhan nobogoi in kobiagan notompia kon umat in Israel; mosia in diá bidon sinuyayow in musung. Kon dodai intua ki Yosua nogoguyangdon totok.