IḶUAIAN 33:10 - Alkitab Singog In Mongondow Masa In Tanaa

¹⁰ Kon dodai intau Israel mokoontong kon oigi goḷom kon ngara in Ḷoḷaigan i Tuhan, mosia komintan simindog bo dumokó kon ngara in ḷoḷaigan monia tontaní.

IḶUAIAN 33:10 Mawu Ofanana

DATU MITA IMITÁNEA 8:14

Naonda in nosambayang mako ki Datu Salomo in nobobuidon kon bayongan in rayat inta sinimindog mako kon tua, bo nopoigum sinbá ki Allah momarakat kon i monia.

DATU MITA IMITÁNEA 8:22

Nopaḷut mako kon tua, kon tayowon in rayat inta kon tua, ki Salomo sinimindog sinumayow kon mezbah bo notonggó kon ḻimanea doyowa nosimpaḷ

IḶUAIAN 13:21

Aka singgai, ki Tuhan mayá umuna kon i monia takin mokipogontong naonda bo oigi goḷom bo aka doḷom sia mayá kon muna monia kon bonu in oigi tuḷú sin motundú kon daḷan bayáan monia. Natua in nobaḻí dá mosia notaau in minayá singgai bo doḷom.

IḶUAIAN 33:11

Ki Tuhan noyosingog i Musa noyogintayowan mako, ná intau noyosingog in yobayatnea. Nopaḷut mako kon tua ki Musa nobuidon kon ḷoḷaigannea. Táe ki Yosua ki adí i Nun, tayowmobiag tobatú inta motuḷungmai kon i Musa, umuranpa nogutun kon bonu in Ḷoḷaigan tatua.

IḶUAIAN 33:9

Naonda in ki Musa tumuot, moponagdon in oigi goḷom bo mogogai kon ngara in Ḷoḷaigan. Nongkon goḷom tatua ki Tuhan moyosingog takin i Musa.

IḶUAIAN 4:31

Dá nopirisayadon in mosia, bo naonda in dinongog monia kon ki Tuhan ain noḷongow kon bangusa Israel bo noindoidon kon bayongan roriga monia, mosia in sinumungkud bo nosumba.

LUKAS 18:13

Táe mononagi kon pajak tatua in sinimindog iyumayú bo diá doman kobaḻí in ḷumangag kon ḷangit in nosambayang. Sia in tongá kopia moyapu kon dodobnea bo nosingog nanaa, ‘O Allah, kotabipa in akuoi naa, sin akuoi naa intaubí baradosa!’ ”