IḶUAIAN 32:26 - Alkitab Singog In Mongondow Masa In Tanaa

²⁶ Dá sinimindogdon in sia kon tayowon in ngara pinonḷoḷaigan tatua bo nomaḷú, “Ki ine in mopirisaya kon i Tuhan musti mamangoi in naa!” Dá namangoidon in suku i Lewi kon diug i Musa,

IḶUAIAN 32:26 Mawu Ofanana

SAMUEL 2 20:11

Tontara i Yoab tobatú in sinimindog kon diug in mayat i Amasa bo nomaḷú, “Ki ine in momihak kon i Yoab bo kon i Daud, duduidon kon i Yoab!”

DATU MITA 2 9:32

Iḷumangag in ki Yehu kon jandela bo noguman, “Ki ine in moibog kon inakó?” Nokodongogmai kon tua, doyowa toḷu in pogawai in komaḻig iḷumongow monag.

MAZMUR 94:16

Ki ine in moduḷu kon inakó nongkon intau inta diá mopirisaya? Ki ine in dumotá kon inakó monayow kon intau inta nogaid kon inta moraat?

IḶUAIAN 32:25

Kinotaauandon i Musa kon pinomayádon mako i Harun natua in bangusa Israel naonda bo kabaḷo inta nokobuḻi nongkon ḷantung, dapot in mosia rebegonmai in musung mita monia.

IḶUAIAN 32:27

bo sia in noguman kon i monia, “Ki Tuhan Allah Israel in nomarentadon kon i monimu komintan morabut kon pitowmu bo mayá mongin pinonḷoḷaigan tanaa, nongkon ngara tanaa, modapot kon ngara ibanea sindaḷan moḻimod kon ginaḷumnea, yobayatnea, bo topodiugmu mita.”

MATIUS 12:30

Ki ine in diá noyotakin-Ku, sia in momaḷawang kon i-Nakó. Bo ki ine inta doí mogaid moyotakin-Ku yo sia tua in momoguyaat kon tomayá-Ku!

ULANGAN 33:9

Mosia in mosatia kon ini-Mu noiḻiu kon ibanea mako, noiḻiu kon guyanga bo ginaḷum motoḷuadí. Parenta-Mu mita in dinuduian monia, dodandian-Mu in inintompodan monia.

YOSUA 5:13

Kon singgai tobatú ki Yosua kon diug in Yerikho. Indoianmai yo sia in daḻíbí nokoontong kon ḷoḷaki tobatú inta sinimindog kon tayowonnea takin kokada-kadai in pitoi inta ain sinonggó. Ki Yosua dinimiug kon intau tatua, bo noḻibó, “Iko naa in yobayat, andeka musung?”