IḶUAIAN 31:13 - Alkitab Singog In Mongondow Masa In Tanaa

¹³ mopotaau kon bangusa Israel, “Ḷukadai in singgai in Sabat, singgai inta ain sinantú-Ku mobaḻí singgai pogogaian. Modapot kon adí bo ompumu singgai tatua mobaḻí singgai ponanoban kon sigad i monimu bo kon i-Nakó, sinbá kotaauandon monimu kon Akuoi naa in ki Tuhan, bo binaḻí-Kudon in moiko bangusa-Ku tontaní.

IḶUAIAN 31:13 Mawu Ofanana

NEHEMIA 9:14

Singgai in Sabat inta mokudus mustibí rameon monia, bo pinongin i Musa hukum-Mu inogoi-Mu.

IḶUAIAN 31:12

Ki Tuhan nomarenta kon i Musa

IḶUAIAN 31:17

Singgai tatua in ponanoban tobatú inta motantú kon sigad in bangusa Israel bo kon i-Nakó, sin Akuoi, Tuhan, nomaḻídon kon ḷangit bo butá onom nosinggai koonggotnea, bo kon singgai noginpitu nogogaidon in Akuoi nogaid bo poḷat nomarakat.”

YESAYA 56:2

Barakatan-Ku in intau inta moḷukad kon singgai in Sabat bo diá noponajis in singgai tatua. Intau inta diá nogaid kon inta moraat in pomiaan-Ku kopiaan.”

YEREMIA 17:22

Dika mogaid andeka modia kon pakakat onuka in ḷumuai kon baḷoimu kon singgai in Sabat. Potondídon in singgai tatua kon i-Nakó ná inta ain pinarenta-Ku kon mogoguyangmu.

YEHEZKIEL 20:12

Pinotabá-Ku in mosia mohoromat kon singgai in Sabat nobaḻí tomponuot kon dodandian-Ku takin i monia, sin moponorop kon i monia kon Akuoi ki Tuhan, ain nopotondí kon i monia mobaḻí kapunyaan-Ku.

YEHEZKIEL 20:20

Horomatbí in singgai in Sabat sinbá mobaḻí tomponuot dodandian kon sigad-Ku bo i monimu, sin moponorop kon i monimu kon Akuoibí in ki Tuhan Allahmu.’

YEHEZKIEL 37:28

Aka Baḷoi-Ku bo kon yua-yuakdon monia modapot in mononoi, dá kotaauandon in bangusa mita ibanea kon Akuoi, ki Tuhan in ain nomiḻí kon Israel nobaḻí umat-Ku tontaní.”

YEHEZKIEL 44:24

Aka momuká in bobayowan pelekara in hukum, yo musti toipaḷuton monia intua podudui in hukum-Ku mita. Mosia in mustibí monanob kon singgai mita moḷoben in agama, podudui in atorang mita bo hukum-Ku mita, bo mohoromat kon Sabat mobaḻí singgai inta ain sinantú kon i-Nakó.

IMAMAT 19:3

Bayongan intau musti mohoromat kon i amá bo kon i inánea bo mohoromat kon singgai in Sabat ná inta pinarenta-Ku. Akuoi in ki Tuhan Allahmu.

IMAMAT 19:30

Ḷukadai in singgai in Sabat bo horomatdon in tampat mita inta ain sinantú posumbaan kon i-Nakó. Akuoi in ki Tuhan.

IMAMAT 20:8

Duduiaidon in hukum-Ku mita, sin Akuoi in ki Tuhan inta ain nopotondí kon i monimu sin mobaḻí mogogundoi-Ku.”

IMAMAT 21:8

Musti akúon in bangusa Israel kon imang tua in intau inta ain sinondí kon i-Nakó sin sia moposumba in kuruban kaanon kon i-Nakó. Akuoi in ki Tuhan; Akuoi naa in motusi bo Akuoi mopotusi kon umat-Ku.

IMAMAT 23:3

Onom nosinggai in wakutu pogaidan, singgai in Sabat, in singgai pogogaian inta sinantúdon kon i Tuhan. Kon singgai tatua moiko musti momia kon poyodungkuḷan sin poibadaan bo diábí in motaau mogaid.

IMAMAT 25:2

nopotaau in atorang mita tanaa kon bangusa Israel. Aka moiko tumuot kon butá inta ogoi i Tuhan kon inimu, yo nanaa in pohohoromat monimu kon i Tuhan: Pomuḷoi in taong noginpitu moiko diábí motaau in mononggobá ande monompinomuḷa kon butá tatua.

IMAMAT 26:2

Porameaibí in singgai mita in Sabat bo singgai mita moḷoben ibanea bo horomatdon in tampat inta ain sinantú posumbaan kon i-Nakó. Akuoi in ki Tuhan.

AMOS 8:5

Moiko in noguman kon i monimu tontaní, “Totuubí moonggot in singgai mita moḷoben. Kita in moibogdon ḷagi mopotaḷui in gandum naton, táe poramean tatua in diápabí doman mopaḷu-paḷut. Toonubí degá in singgai in Sabat mopaḷut, sinbá kita in motaaudon bui modagang? Kita in moibogdon totok in mongupit kon epa, monguboḷ kon pogogukuran, bo monombogá kon simbangan.

MATIUS 23:17

Ei moiko intau mita pompuḷong bo intau mita bilog! Onu degá in moponti-ponting: buḷawan, andeka Baḷoi Tuhan inta nokokudus kon buḷawan tatua?

YOHANES 17:17

Baḻí in mosia tongá kapunyaan i Amá pongin inta mobanar. Pirman i Allah tuata in mobanar.

YOHANES 17:19

Popisí in kopontingan monia, Akuoi in noposarakandon in awak-Ku saḷaku kapunyaan i Amá sinbá mosia in tongá doman mobaḻí kapunyaan-Ku pongin inta nobanar nongkon i Amá.

ULANGAN 5:12

Porameaibí in singgai in Sabat bo horomatbí mobaḻí singgai inta motusi, sin Akuoi ki Tuhan Allahmu inta nobogoi in parenta kon inimu.

TESALONIKA 1 5:23

Poigumon mako sinbá umuran i Allah ogoian in kobiagan motompia bo baḻíon-Nea in moiko umat inta tongá mopirisaya bo mobiag takin i Allah. Poigumon doman mako bá ḷukadandon i Allah in roho, gina bo awak monimu, sahingga in diábí in mogaat kon wakutu in koangoiandon bui i Yesus Kristus ki Tuhan naton.

YUDAS 1:1

Utatku mita inta ain inoiní bo inta totok in kinotabi i Allah Amá naton, bo inta iḷukadan kon bonu in tangoi i Yesus Kristus. Saḷaku intau inta nogaid kon oaidan i Yesus Kristus, akuoi – ki Yudas – ki utat i Yakobus,