IḶUAIAN 30:7 - Alkitab Singog In Mongondow Masa In Tanaa

⁷ Pomuḷoi in doḷo-doḷom kon dodai in ki Harun mamangoi sin moposadia in togá, musti in sia motubá kon dupa mobondu kon tudu in mezbah tatua.

IḶUAIAN 30:7 Mawu Ofanana

TAWARIKH 1 23:13

Ki Amram in ki amá i Harun bo i Musa. (Ki Harun bo buínea mononoi in sinantúdon monompia kon pakakat mita in ibada, motubá kon dupa kon i Tuhan, mogundoi kon i Tuhan bo momarakat kon rayat podoyon kon tangoi Tuhan.

TAWARIKH 1 6:34

ki Elkana, ki Yeroham, ki Eliel, ki Toah,

TAWARIKH 2 2:3

Ki Salomo in nokidia in habar tanaa kon i Hiram datu in Tirus, “Poigumonku sinbá ki Tuang momia kon dodandian in totaḷuian takinku naonda bo kon i Daud ki amáku. Ki Tuang ain nopotaḷui kon inia in ḷokuyú in Libanon sin poposindogan in komaḻignea.

TAWARIKH 2 2:4

Tanaa moibog in akuoi moposindog in baḷoi poibadaan tobatú inta ain sinantú kon pohoromatan kon i Tuhan Allahku. Kon baḷoi tatua akuoi bo rayatku in moibada kon i-Nia takin motubá kon dupa inta mongo bo mongobondu, bo moposumba in roti oḷudon kon inia mokopotantú. Kon baḷoi doman tatua moposumbadon in kami in kuruban payongon muḷoi in doḷo-doḷom bo doḷom, muḷoi in singgai in Sabat, singgai moḷoben Buḷan Mobagu bo singgai mita inta ain sinantú sin mohoromat kon i Tuhan Allah nami. Sin, Sia in nomarentadon sinbá tua in umuran pomiaan in intau Israel modapot in kopaḷutannea.

TAWARIKH 2 26:18

sin moḷawang kon aidnea tatua. Mosia in noguman, “Tuang Inta Momulia! Ki Tuang in diábí in hak motubá kon dupa kon i Tuhan. Tua in oaidanbí in imang mita buí i Harun, sin mosiabí inta ain sinantú kon mogaid kon tua. Ḷuaidon in ki Tuang nongkon tampat inta motusi tanaa! Ki Tuang ain noḷawang kon i Tuhan Allah bo diádon kinoibog-Nea.”

TAWARIKH 2 29:7

Mosia in noḻingkopbí kon ḷoḻingkop mita in Baḷoi Tuhan bo nomiong kon togánea mita. Mosia in diábí notubá kon dupa kon Baḷoi Tuhan, bo diá doman noposumba in kuruban payongon kon i Allah inta sinumba in intau in Israel.

MAZMUR 141:2

Tarimapa in sambayangku saḷaku sosumba kamania, bo ḻimaku inta noiyopa saḷaku kuruban doḷom.

IḶUAIAN 30:34

Ki Tuhan noguman kon i Musa, “Pogamádon kon tongonumai norupa in pododungú inta kobayongnea notongkai, inta puḷut in taḷong, kuḻit in ḷungká, puḷut in rasamala bo dupa inta mopia totok.

IḶUAIAN 30:6

Poukatdon in mezbah tatua kon dotá in ḷuai in toḻipoi inta kon tayowon in Poti Dodandian, kon tampat poyodungkuḷan-Ku takinmu.

IḶUAIAN 30:8

Tua in musti pomiaannea doman kon dodai in sia mopoyongkit in togá wakutu in ḷoḷabungnea. Sosumba kamania tatua musti umurannea pomiaan dapot in adí bo ompu.

IḶUAIAN 40:27

bo sinubánea in dupa mobondu ná inta ain pinarenta i Tuhan kon i Musa.

PINOGIAPAN 16:40

Tua in nobaḻí tompoingat kon bangusa Israel kon koḻikud in buí i Harun, diábí in tobatúmai in intau motaau mamangoi kon mezbah i Tuhan sin motubá kon dupa posumba kon i Tuhan. Intau inta ḻimimpat kon atorang tatua in yopúonbí ná ki Korah bo dumoduduinea mita. Bayongan tua inaidan pinodudui kon ná inta pinarenta i Tuhan kon i Eleazar pinongin i Musa.

LUKAS 1:9

Sin wakutu in inundi inta kabiasaan monia monantú kon ki ine in imang tumuot kon Baḷoi Tuhan mogaid kon oaidan imang, dá sia in kinopiḻían tumuot bo motubá kon kamania kon bonunea.

OUMAN IN RASUL MITA 6:4

sinbá motantú in pikiran nami in mopoyaput in pirman i Allah bo mosambayang.”

ULANGAN 33:10

Mosia notundú kon umat-Mu dinumudui kon bayongan in parenta-Mu bo noposumba in kuruban kon tudu in mezbah-Mu.

SAMUEL 1 2:28

Nongkon bayongan suku in Israel ain piniḻí-Ku in motoḷuadínea nobaḻí imang-Ku, sin mopobayá in oaidan kon mezbah, motubá kon dupa, bo mogiḷambung in ḷambung epod aka moyosingog takin-Ku. Bo kon i monia takin buí monia aindon inogoian-Ku in hak mogamá kon tongosilai nongkon kuruban sosumba inta sinubá kon mezbah.

SAMUEL 1 3:3

bo ki Samuel in nosiug kon diug in Poti Dodandian i Tuhan, kon bonu in Ḷoḷaigan Motusi. Kon dodai in diápa nobayag bo togá koyongki-yongkitpa,