IḶUAIAN 30:34 - Alkitab Singog In Mongondow Masa In Tanaa

³⁴ Ki Tuhan noguman kon i Musa, “Pogamádon kon tongonumai norupa in pododungú inta kobayongnea notongkai, inta puḷut in taḷong, kuḻit in ḷungká, puḷut in rasamala bo dupa inta mopia totok.

IḶUAIAN 30:34 Mawu Ofanana

NEHEMIA 13:5

Ki Elyasib in nobogoi in gopot moḷoben tobatú kon i Tobia inta sabanarnea in sinondíbí sin potagúan kon sosumba gandum, kamania, pakakat mita inta pakéon kon Baḷoi Tuhan, sosumba inta ogoi kon imang mita, persepuluhan gandum, anggur bo ḷana zaitun, inta silaion kon intau mita in Lewi, kon mogogogitog in musik bo moḷoḷukad kon ngara in Baḷoi Tuhan.

IḶUAIAN 25:6

ḷana in togá, pododungú sin pakéon kon upacara bo potubaan kon dupa inta mobondu,

IḶUAIAN 30:23

“Pogamádon kon pododungú mita inta totok in mopia, onom nokilo in taḷong inta notontubig, toḷu nokilo in kayu manis, toḷu nokilo in túan mobondu, bo onom nokilo in kayu teja.

IḶUAIAN 30:33

Intau inta momia kon ḷana ná tatua, ande pakéon kon intau inta deeman imang, yo sia tua in diá bidon poyoiapon umat-Ku.”

IḶUAIAN 30:35

Pakédon intua komintan pogaid mobaḻí dupa inta mobondu. Dugangai doman in simuton sinbá dupa tatua umuran momurni bo motaau pakéon posumba kon i-Nakó.

IḶUAIAN 30:7

Pomuḷoi in doḷo-doḷom kon dodai in ki Harun mamangoi sin moposadia in togá, musti in sia motubá kon dupa mobondu kon tudu in mezbah tatua.

IḶUAIAN 31:11

ḷana upacara, bo dupa mobondu sin pakéon kon Yuang Motusi. Tua komintan musti pomiaan monia podudui kon onu inta ain sinundú-Ku kon inimu.”

IḶUAIAN 35:15

mezbah pototubáan kon dupa takin kayu tombuḻigannea, ḷana pakéon kon upacara, dupa inta mobondu; toḻipoi inta pakéon kon ḷoḻingkop in Ḷoḷaigan,

IḶUAIAN 37:29

Ki Bezaleel nomia doman kon ḷana in upacara bo dupa totokea inta mobondu, pinoyobauk naonda bo ḷana mobondu.

DONDONG MOḶANTUD 3:6

Onu degá intua inta namangoi nongkon padang gurun, naonda bo poyok nosipun? Kobondunea in naonda bo taḷong mobondu bo kamania, bo pupur mita mobondu nongkon mopopotaḷui.

YESAYA 43:23

Iko in diábí nodia kon domba sin ogoi mobaḻí kuruban payongonmu, diá nohoromat kon i-Nakó takin nobogoi in sosumbamu. Bokaka Akuoi in diábí nopororigamai kon inimu pinongin kuruban, andeka nopororigamai kon inimu pinongin noigum kon kamania.

IMAMAT 16:12

musti in sia mogamá kon tampat in tuḷú nongkon mezbah bo bonuannea in baga in tuḷú kopuḻingon bo doyowa noyangkom in dupa moaḷus, bodongka diaannea tumuot kon Yuang Totok Motusi.

IMAMAT 2:1

Aka oyúon intau moposumba in kuruban sosumba kon i Tuhan, yo kuruban tatua in ná tanaa: topong inta totok in mopia inta binutakan in ḷana zaitun bo binubudan in kamania in tudunea.

IMAMAT 2:15

Gandum tatua in mustibí butakan in ḷana zaitun bo bubudan in kamania kon tudunea.

IMAMAT 24:7

Bubudaidon in kamania taakan kon pomuḷoi in guntuḷan roti sin monanda kon roti tatua in kuruban kaanon kon i Tuhan.

IMAMAT 5:11

Aka intau inta kotaḷá tatua diá mokopooyúon in ḷagapan tarangkuku togapang ande ḷagapan paḷoma mobaḻí kuruban potobut kon dosa, dá sia in musti modia kon topong tokilo. Topong tatua diábí motaau in bauian in ḷana zaitun ande takinan in kamania, sin kuruban tatua in kurubanbí potobut kon dosa deemanbí kuruban oḷudon.

MATIUS 2:11

Bo sinumuotdon in mosia kon bonu in baḷoi tatua bo noindoi kon Adí tatua takin ki Maria ki iná-Nea. Mosia sinumungkud bo nosumba kon i-Nia. Mosia nobuká kon tampat pobobonuan kon pakakat monia bodongka nobogoi in barang pinosumba kon i-Nia. Barang inta inogoi monia tua in buḷawan, kamania, bo taḷong mobondu.