IḶUAIAN 30:33 - Alkitab Singog In Mongondow Masa In Tanaa

³³ Intau inta momia kon ḷana ná tatua, ande pakéon kon intau inta deeman imang, yo sia tua in diá bidon poyoiapon umat-Ku.”

IḶUAIAN 30:33 Mawu Ofanana

KINOBAḺIAN 17:14

Bayongan in ḷoḷaki inta diá sinoit diá bidon moituot kon anggota in umat-Ku sin sia in diá kinumadai kon dodandian tatua.”

IḶUAIAN 12:15

Ki Tuhan noguman, “Pitu nosinggai in koonggotnea moiko diá motaau mokaan kon roti inta iragian. Kon singgai dungkuḷ bayongan in ragi musti poḷuaion nongkon baḷoimu, sin aka kon bonu in pitu nosinggai tatua intau tobatú mokaan kon roti inta iragian, yo sia in diá bidon motaau poyoiapon tombonu in umat-Ku.

IḶUAIAN 29:33

Mosia in musti mokaan kon kaanon inta pinokuruban kon upacara pongampungan kon dosa kon tungkuḷ in pinoduían kon imang. Tongábí imang in motaau mokaan kon kaanon inta sinantú kon i-Nakó tua.

IḶUAIAN 30:34

Ki Tuhan noguman kon i Musa, “Pogamádon kon tongonumai norupa in pododungú inta kobayongnea notongkai, inta puḷut in taḷong, kuḻit in ḷungká, puḷut in rasamala bo dupa inta mopia totok.

IḶUAIAN 30:38

Ki ine in momia kon mobondu mita natua, diádon poyoiapon umat-Ku.”

IḶUAIAN 31:14

Singgai pogogaian tatua musti horomaton monimu mobaḻí singgai inta motusi. Moiko inogoian-Kudon in onom nosinggai sin pogaidan monimu, táe singgai noginpitu in singgai moḷoben inta nobaḻí singgai-Ku. Ki ine in diá mohoromat kon singgai tatua, táe umuran doman mogaid in kon singgai tatua yo musti hukumon matoi.

IMAMAT 17:10

Aka intau Israel ande intau ango-angoi inta nogutundon notantú kon sigad intau Israel nokaan kon dugú, yo sia hukumon i Tuhan bo diádon poyoiapon anggota in umat i Allah.

IMAMAT 17:14

Nyawa in bayongan mahaḷuk in kon dugúneabí, tuamai in diá ogoi i Tuhan in bangusa Israel mokaan kon dugú. Bayongan intau inta mogaid kon onu inta ilarang tatua yo sia in diádon poyoiapon anggota in umat i Allah.

IMAMAT 17:9

kon i Tuhan, yo musti posumbanea intua kon tayowon ngara in Ḷoḷaigan i Tuhan. Aka posumbanea intua kon tampat ibanea, yo sia in diádon motaau poyoiapon anggota in umat i Allah.

IMAMAT 18:29

Kinotaauan monimu kon ki ine in momia kon oaid inta mokorongó tatua diá bidon poyoiapon anggota in umat i Allah.

IMAMAT 19:8

Ki ine in mokaan kon tapú tatua yo kotaḷá sin diá moguntu kon onu inta ain sinantú kon i-Nakó. Intau tatua diá bidon iniap-Ku anggota in umat-Ku.

IMAMAT 20:17

Aka ḷoḷaki tobatú mosiug takin i bobaynea ande takin ki bobaynea inta toamáan táe noyoposi kon iná ande toináan táe noyoposi kon amá, dá mosia tua in diádon iapon umat-Ku. Mosia aindon nomia kon oaid inta moraat totok bo musti motarima kon bungai in oaidnea.

IMAMAT 20:18

Aka ḷoḷaki tobatú mosiug kon bobay tobatú inta inangoinea, dá mosia diá bidon iapon umat-Ku.

IMAMAT 20:3

Intau inta mopokuruban in adínea kon i Molokh, moponajis in Ḷoḷaigan-Ku bo mopoompámai kon tangoi-Ku inta motusi. Hukumon-Ku in sia bo diádon poyoiapon-Ku anggota in umat-Ku.

IMAMAT 22:3

Aka tobatú nongkon buímu inta monajis bo dimiug kon sosumba mita inta motusi inta ain sinantú in bangusa Israel kon i-Nakó, dá sia tua in diá bidon motaau mogaid kon oaidan kon mezbah. Atorang tanaa diaan modapot kon adí bo ompu. Akuoi in ki Tuhan.

IMAMAT 23:29

Ki ine in mokaan kon onuka kon singgai tatua, yo diá bidon iapon anggota in umat i Allah.

PINOGIAPAN 15:30

Táe aka intau in Israel tobatú andeka intau ango-angoi tobatú sinumuodon nogaid kon dosa, sia ain nopoompámai kon i Tuhan. Intau tatua musti hukumon dapot in matoi,

PINOGIAPAN 15:31

sin sia ain noḷawang kon i Tuhan bo sinumontuondon noḷawang kon parenta i Tuhan. Intau tatua minatoi sin popisí in taḷánea tontaní.

PINOGIAPAN 19:13

Intau inta noiḻiai kon mayat bo diá nopotusi in awak yo nonajis in sia, sin sia in diápa binurean in tubig upacara. Sia noponajis in Ḷoḷaigan i Tuhan, dá tuamai sia in diádon pinoyoiap umat i Allah.

PINOGIAPAN 19:20

Intau inta nonajisdon bo diá nomia kon upacara ponusian kon awak, umuranpabí nonajis sin diápa binutakan in tubig upacara. Sia noponajis in Ḷoḷaigan i Tuhan, bo diádon pinoyoiap anggota in umat i Allah.

PINOGIAPAN 9:13

Tongá intau inta diá nonajis bo diá doman kon binayáan, táe diá nomia kon pinorayaan Paska, yo intau tatua in diá bidon poyoiapon-Ku umat-Ku, sin sia in diá noposumba in kuruban kon i-Nakó kon wakutu inta ain sinantú. Intau tatua musti mobaba kon bungai in dosanea.