IḶUAIAN 30:29 - Alkitab Singog In Mongondow Masa In Tanaa

²⁹ Natua in pononondímu kon barang mita inta ogoi kon i-Nakó, sinbá komintan motusi. Onukabí in moitugat kon mezbah tatua musti posarakan kon i Tuhan, bo ki inekabí in moḻiai kon tua mobodito sin ropot in kototusinea.

IḶUAIAN 30:29 Mawu Ofanana

IḶUAIAN 29:37

Aidai intua muḷoi in singgai kon bonu in pitu nosinggai. Dá mezbah modaritdon komintan; onukabí in moitugat kon mezbah tatua musti posarakan kon i Tuhan, bo ki inekabí in moḻiai, mokouḻí kon bodito popisí in ropot in kototusinea.”

IḶUAIAN 30:28

mezbah pototuduan kon kuruban tubáan takin bayongan touḷutnea, bo tampat in tubig takin aipnea.

IḶUAIAN 30:30

Toguḷuai in ḷana in ki Harun bo ki adínea mita sinbá mosia in duíondon imang inta mogaid kon oaidan-Ku.

IḶUAIAN 40:10

Posumbadon in mezbah bo bayongan touḷutnea ná tatua, sinbá bayongan intua tongádon ogoi kon i-Nakó.

IMAMAT 6:18

Bayongan in ḷoḷaki nongkon buí i Harun musti mokaan kon tua; tua in nobaḻí atorang mononoi kon i monimu dapot kon adí bo ompumu; tuata in nobaḻí silai monia nongkon kaanon inta ain pinosumba kon i Tuhan. Intau ibanea inta moḻiai kon kaanon inta ain pinokuruban tatua, in mobodito sin popisí in kototusinea.

IMAMAT 8:10

Bo ki Musa in nogamá kon ḷana upacara bo pinoḻeponea kon Ḷoḷaigan i Tuhan bo bayongan pakakatnea. Tua in moponiata kon bayongan in yagi-yagi aindon inogoi kon i Tuhan.

IMAMAT 8:11

Topiḻik nongkon ḷana tatua pinopopisiknea kopitu kon tudu in mezbah bo kon bayongan pakakatnea, bo pinopopisik doman kon tudu in bak bo dodoyonannea. Tua moponiata kon bayongan in yagi-yagi komintandon inogoi kon i Tuhan.

PINOGIAPAN 7:1

Kon dodai in ki Musa nopaḷutdon noposindog in Ḷoḷaigan i Tuhan, Ḷoḷaigan takin bayongan in touḷutnea sinabisneadon takin nopoḻepo in ḷana upacara kon bayongan intua. Natua doman in pinomomianea kon mezbah bo bayongan in pakakatnea.

MATIUS 23:17

Ei moiko intau mita pompuḷong bo intau mita bilog! Onu degá in moponti-ponting: buḷawan, andeka Baḷoi Tuhan inta nokokudus kon buḷawan tatua?

MATIUS 23:19

Ei moiko intau mita bilog! Onu degá in moponti-ponting barang pinosumba andeka meja inta nokokudus kon inta pinosumba tatua?