IḶUAIAN 30:23 - Alkitab Singog In Mongondow Masa In Tanaa

²³ “Pogamádon kon pododungú mita inta totok in mopia, onom nokilo in taḷong inta notontubig, toḷu nokilo in kayu manis, toḷu nokilo in túan mobondu, bo onom nokilo in kayu teja.

IḶUAIAN 30:23 Mawu Ofanana

DATU MITA IMITÁNEA 1:39

Onda intua ki Zadok nogamá kon tampat in ḷana zaitun inta ain dinianea nongkon Ḷoḷaigan i Tuhan, bo dinuíneadon in ki Salomo nopomaké in ḷana tatua. Bo torompet in inirupdon bo bayongan intau inta namangoi intua nomaḷú, “Mobiag ki Datu Salomo!”

TAWARIKH 1 9:29

Tongosilai doman moḷoḷukad kon pakakat mita in ibada bo kon topong, kon anggur, kon ḷana zaitun, kamania, takin pododungú mita.

TAWARIKH 1 9:30

Táe inta mopoyobauk in pododungú mita tatua in imangbí mita.

MAZMUR 45:8

Iko in moibog in inta mobanar bo mondoí kon inta moraat; tuamai, ki Allah, Allahmu ain nomiḻí kon inimu, bo nopoḷunganga kon inimu noiḻiu kon datu mita ibanea.

IḶUAIAN 25:6

ḷana in togá, pododungú sin pakéon kon upacara bo potubaan kon dupa inta mobondu,

IḶUAIAN 30:22

Ki Tuhan noguman kon i Musa,

IḶUAIAN 30:24

Tua komintan simbangon podudui in simbangan inta pinaké kon Ḷoḷaigan-Ku. Dugangai doman in opat noliter ḷana zaitun,

IḶUAIAN 31:11

ḷana upacara, bo dupa mobondu sin pakéon kon Yuang Motusi. Tua komintan musti pomiaan monia podudui kon onu inta ain sinundú-Ku kon inimu.”

IḶUAIAN 35:28

Mosia in nodia doman kon pododungú bo ḷana inta pakéon kon togá, ḷana pakéon kon upacara bo dupa inta mobondu.

IḶUAIAN 37:29

Ki Bezaleel nomia doman kon ḷana in upacara bo dupa totokea inta mobondu, pinoyobauk naonda bo ḷana mobondu.

AMSAL 7:17

bo ain binutakanku in taḷong mobondu, sondana bo kayu manis.

DONDONG MOḶANTUD 1:13

Batoḷ in dodobku naonda bo taḷong mobondu in bónea, kon dodai in inumuḻid kon dodobku.

DONDONG MOḶANTUD 1:3

Iko in mobondu totok, tangoimu naonda bo ḷana mobondu inta noibutak; tuamai mongodeaga mita moibog kon inimu!

DONDONG MOḶANTUD 4:14

narwastu, koḷawag, kayu manis bo túan, bo noyagi-yagimai in pangkoi in kamania. Taḷong mobondu bo gaharu, takin noyagi-yagimai in toyokayu inta notompiḻí.

YESAYA 43:24

Iko in diábí notaḷui kon dupa mobondu ogoi kon i-Nakó, diá nopoguḻí kon i-Nakó in ḷongó in kuruban inta iratámu. Táe noyoḻiudon, iko in nokibabadon kon i-Nakó in dosamu mita, nopororigamai kon i-Nakó takin taḷámu mita.

YEREMIA 6:20

Onubí in mangaḻenea in kamania inta dinia monia kon i-Nakó nongkon Syeba, andeka toyokayu nongkon butá moyayú? Doíbí in Akuoi in motarima kon sosumba monia. Doíbí in Akuoi kon kuruban mita payongon monia.

YEHEZKIEL 27:22

Popisí in motaḷui kon pakakatmu mita dá mododagang nongkon Syeba bo Raema nodia kon permata mita, buḷawan bo toyokayu mita inta totok in mongopia.

SAMUEL 1 10:1

Onda intua ki Samuel nogamá kon kendi inta kon bonu in ḷana zaitun, bo ḷana zaitun tatua pinopobutak kon uḷu i Saul, bo inayokannea in ki Saul poḷat noguman, “Ki Tuhan ain nopobaḻí kon inimu datu kon Israel umat-Nea. Iko in momarentabí kon umat-Nea bo moḷukad kon i monia nongkon musung mita monia. Naa in mobaḻí tomponuot kon inimu kon ki Tuhan in nomiḻídon kon inimu mobaḻí datu kon Israel umat-Nea: