IḶUAIAN 30:20 - Alkitab Singog In Mongondow Masa In Tanaa

^20-21 kon dodai in mosia diápa tumuot kon Ḷoḷaigan ande dimiug kon mezbah sin modia kon kuruban inta tubáan. Musti aidan monia intua sinbá diá ḻimodon. Atorang tatua musti umuran duduian monia bo in buí monia dapot in mononoi.”

IḶUAIAN 30:20 Mawu Ofanana

TAWARIKH 1 13:10

Kon dodai doman intua ki Tuhan sinumorú kon i Uza sin aidnea tatua in naonda bo mopoompámai kon i Tuhan. Bo iḻimod-Nea kon tua in ki Uza. Dá nongkon dodaidon intua tampat tatua sinangoian “Peres-Uza”. Ki Daud in sinumorú sin ki Tuhan noyopú kon i Uza.

MAZMUR 89:7

Kon ḷangit diábí in ná Iko, o Tuhan, diábí in mahaḷuk in soroga in mokotongkai kon ini-Mu.

IḶUAIAN 12:15

Ki Tuhan noguman, “Pitu nosinggai in koonggotnea moiko diá motaau mokaan kon roti inta iragian. Kon singgai dungkuḷ bayongan in ragi musti poḷuaion nongkon baḷoimu, sin aka kon bonu in pitu nosinggai tatua intau tobatú mokaan kon roti inta iragian, yo sia in diá bidon motaau poyoiapon tombonu in umat-Ku.

IḶUAIAN 30:19

Tubig tatua pakéon kon i Harun bo kon i adínea mita sinbá mosia motaau mondarit kon ḻima bo sioḷ

IḶUAIAN 40:31

Ki Musa, ki Harun bo ki adínea mita mondarit kon ḻima bo sioḷ monia kon tua,

IMAMAT 16:4

Moiduduimai kon tua ki Harun musti monarukira kon atorang mita tanaa. Kon tungkuḷ in sia diápa tumuot kon Yuang inta Totok in Motusi sia musti moinggúpa muna bodongka momaké in pakeang imang, inta ḷambung, soḷana mopoḷok, baan bo bogot in uḷu, inta komintan nongkon kaeng linen.

IMAMAT 8:6

Bo sia in nopotabá kon i Harun bo kon i adínea mita mamangoi in muna bo mondarit kon awak monia.

OUMAN IN RASUL MITA 5:10

Bo noumpag domandon kon dodai intuata in bobay tatua kon tayowonmai i Petrus. Dá naonda in tayowmobiag mita tatua sinumuot, kinobayáanmai monia minatoi domandon in bobay tatua.

OUMAN IN RASUL MITA 5:5

Naonda in nokodongog kon singog i Petrus natua in ki Ananias baḷú noumpag bo minatoi. Dá totok nongoondok in intau mita inta nokodongog kon onu inta nobaḻí tatua.

SAMUEL 1 6:19

Táe popisí in intau mita in Bet-Semes tatua iḷumongow kon bonu in Poti Dodandian i Tuhan, dá pitu nopuḷú in intau kon sigad monia tua in iḻimod i Tuhan. Bo rayat nonogumatoi sin ki Tuhan nopouma in bodito inta námai tua in koḷoben.