IḶUAIAN 30:18 - Alkitab Singog In Mongondow Masa In Tanaa

¹⁸ “Pomiaai kon tampat in tubig ponondaritan tobatú nongkon porunggu bo aipnea in nongkon porunggu doman. Poukat in bak tatua kon sigad in Ḷoḷaigan bo mezbah, bo bonuaidon in tubig.

IḶUAIAN 30:18 Mawu Ofanana

DATU MITA IMITÁNEA 7:23

Noiduduimai kon tua ki Huram in nomia kon bejana bitú tobatú inta noḻimbung, naa in ukurannea: bonunea 2,2 nometer, botok kon yuaknea in 4,4 nometer bo ḻimbungnea in 13,2 nometer.

DATU MITA IMITÁNEA 7:38

Ki Huram in nomia doman kon ḷodokan moḷoben mopuḷú, tumongo batu in kon batúan in kereta. Kon batúan in ḷodokan tatua bares toyuaknea in 1,8 nometer bo motaau bonuan in 800 noliter in tubig.

TAWARIKH 2 4:2

Sia in nomia doman kon kuyon bitú inta noḻimbung, ukurannea in nanaa: dotá in bonunea 220 nosenti, garis toyuaknea in 440 nosenti, bo ḻibunea tua in 1.320 nosenti.

TAWARIKH 2 4:6

Ki Datu Salomo in nomia doman kon 10 in baskom moḷoben, ḻima in ukaton kon dotá in toḷatan kon Baḷoi Tuhan, bo ḻima doman kon dotá in utuannea. Baskom mita tatua mangaḻenea in pomatáan kon tapú mita in biag inta iyingatdon sin tubáan baḻíon kuruban. Tubig kon bonu in kuyon tatua in sinadia kon imang mita sin mondarit kon awak.

IḶUAIAN 30:17

Ki Tuhan noguman kon i Musa,

IḶUAIAN 31:9

mezbah tampat in kuruban tubáan bo bayongan touḷutnea, tampat in tubig takin aipnea,

IḶUAIAN 38:8

Ki Bezaleel nomia kon tampat in tubig nongkon porunggu inaipan in porunggu doman. Porunggu tatua nongkon posilag mita kapunyaan in bobay mita inta mogogundoi kon tayowon ḷoḻingkop in Ḷoḷaigan i Tuhan.

IḶUAIAN 40:7

Ukatdon in tampat in tubig kon sigad in Ḷoḷaigan bo mezbah tatua, bo bonuaidon in tubig.

MOHOHUTUBA 5:1

Poraipa muna bo mosingog, bo dika ḻimika-ḻikat in modandi kon i Allah. Sia in kon soroga bo iko in kon butá, dá dika kobaro-barongon in mosingog.

IMAMAT 8:11

Topiḻik nongkon ḷana tatua pinopopisiknea kopitu kon tudu in mezbah bo kon bayongan pakakatnea, bo pinopopisik doman kon tudu in bak bo dodoyonannea. Tua moponiata kon bayongan in yagi-yagi komintandon inogoi kon i Tuhan.

ZAKHARIA 13:1

Ki Tuhan Inta Totok in mokawasa in noguman, “Kon singgai tatua momukábí bokaká tobatú sin mopotusi kon buí i Daud bo intau inta nogutun kon Yerusalem nongkon bayongan in dosa bo posumbaan kon berhala inta ain inaidan monia.

TITUS 3:5

Sia in noposaḷamat kon i naton, táe deemanbí popisí in kita ain nogaid kon inta mopia, táe popisíbí in tabi-Nea kon i naton. Sia in noposaḷamat kon i naton takin Roho i Allah inta ain nobogoi kon i naton in kolahiran bo kobiagan mobagu takin cara nondarit kon i naton.

YOHANES 1 1:7

Táe aka kita in mobiag kon bonu in bayag ná ki Allah inta kon bonu doman in bayag, dá kita in mustibí mobiag modagin, motompia bo mositabian tobatú bo tobatú. Bo dugú i Yesus, ki Adí-Nea tua, mondarit kon i naton nongkon bayongan dosa.