IḶUAIAN 30:16 - Alkitab Singog In Mongondow Masa In Tanaa

¹⁶ Gamádon in doit tatua nongkon bangusa Israel, bo pakédon kon popopandung kon poibadaan kon bonu in Ḷoḷaigan-Ku. Komintan tua in doitbí tobutan kon i monia tontaní, bo umuran-Kudon kotoropan in moḷukad kon i monia.”

IḶUAIAN 30:16 Mawu Ofanana

TAWARIKH 2 24:6

Tuamai nogoiní in sia kon i Imang Yoyada, itoi monia, bo noguman, “Ki Musa mogogundoi i Tuhan in nopotabádon kon rayat moguboḻi kon pajak sin ponompia kon Ḷoḷaigan i Tuhan, dá tanaa in nongonu sin intau mita in Lewi tatua in diábí dodakan i Amá mosipun kon pajak nongkon rayat kon Yohuda bo Yerusalem?” (

IḶUAIAN 12:14

Singgai tatua musti toropon monimu mobaḻí singgai moḷoben kon i Tuhan. Bo singgai tatua musti umuran toropon monimu poḷat baḻíon monimu singgai moḷoben muḷoi in taong.”

IḶUAIAN 30:15

Intau inta nooyúon dikabí moguboḻi kon moiḻiu kon tua, tongá intau inta nobogá in diábí doman motaau moguboḻi moonag nongkon tua kon tungkuḷ in mosia moguboḻi kon doit tobutan kon inia tontaní.

IḶUAIAN 30:17

Ki Tuhan noguman kon i Musa,

PINOGIAPAN 16:40

Tua in nobaḻí tompoingat kon bangusa Israel kon koḻikud in buí i Harun, diábí in tobatúmai in intau motaau mamangoi kon mezbah i Tuhan sin motubá kon dupa posumba kon i Tuhan. Intau inta ḻimimpat kon atorang tatua in yopúonbí ná ki Korah bo dumoduduinea mita. Bayongan tua inaidan pinodudui kon ná inta pinarenta i Tuhan kon i Eleazar pinongin i Musa.

PINOGIAPAN 31:54

Dá ki Musa bo ki Imang Eleazar nodia kon buḷawan tatua kon Ḷoḷaigan i Tuhan sinbá ki Tuhan umuran moḷukad kon bangusa Israel.

LUKAS 22:19

Onda intua ki Yesus in nogamá kon roti. Bo naonda in sinambayangan-Nea mako, binonsi-bonsig-Nea in roti tatua bo inogoi kon i monia poḷat noguman, “Naadon in awak-Ku [inta pinosarakan kon i monimu. Aidai doman in naa, saḷaku tanda kon moiko in umuran monorop kon i-Nakó.”