IḶUAIAN 30:15 - Alkitab Singog In Mongondow Masa In Tanaa

¹⁵ Intau inta nooyúon dikabí moguboḻi kon moiḻiu kon tua, tongá intau inta nobogá in diábí doman motaau moguboḻi moonag nongkon tua kon tungkuḷ in mosia moguboḻi kon doit tobutan kon inia tontaní.

IḶUAIAN 30:15 Mawu Ofanana

SAMUEL 2 21:3

bo noḻibó kon i monia, “Onu in motaau aidanku sin kopontinganmu? Moibog in akuoi motobut kon taḷá inta ain inaidan kon inimu, sinbá moiko in momarakat kon umat i Tuhan.”

AYUB 34:19

Sia in doíbí dumotá kon datu mita, andeka mopouna in intau nooyúon nongkon intau nobogá. Sin mosia komintan in Siabí in nomaḻí.

IḶUAIAN 30:12

“Kon tungkuḷ in pinogiapan kon bangusa Israel, bayongan in ḷoḷaki musti moguboḻi kon i-Nakó in doit tobutan kon inia sinbá diá in sia kotugatan in bodito kon dodai in pogiapandon.

IḶUAIAN 30:14

Komintan intau inta iapon kon bonu in pogiapan tatua, ḷoḷaki inta umurdon doyowa nopuḷú notaong bo namonik, yo musti mobogoi in salehe sinondí tua.

IḶUAIAN 30:16

Gamádon in doit tatua nongkon bangusa Israel, bo pakédon kon popopandung kon poibadaan kon bonu in Ḷoḷaigan-Ku. Komintan tua in doitbí tobutan kon i monia tontaní, bo umuran-Kudon kotoropan in moḷukad kon i monia.”

IḶUAIAN 38:26

Kobayongnea tatua notongkai in onu inta inuboḻian in bayongan intau podudui in kobayong intau inta iniap tungkuḷ intua. Bayongan intau moguboḻi pinodudui kon onu inta ain sinantú, sinimbang podudui in simbangan inta pinaké. Kon bonu in pinogiapan tatua pinais in kobayong intau ḷoḷaki inta umur doyowa nopuḷú notaong bo namonik in 603.550 in kobayongnea.

AMSAL 22:2

Intau nooyúon bo intau nobogá oyúon in notongkai kon monia: Ki Tuhanbí in nomaḻí kon i monia komintan.

YEHEZKIEL 45:16

Bayongan in intau kon butá tatua in mustibí modia sosumba mita tatua kon mongongawasa inta nomarenta kon Israel.

IMAMAT 17:11

Nyawa in bayongan mahaḷuk komintanbí kon bonu in dugúnea. Tuamai ki Tuhan nomarenta sinbá bayongan dugú popobutak kon tudu in mezbah sinbá dosa mita in umat popatandon. Dugú inta nyawa tatua, momopat kon dosa.

PINOGIAPAN 31:50

Tuamai in kami nodia kon ḷambá mita buḷawan, ḻingkit in ḻima, ḻingkit in sioḷ, sising, nganti-nganting bo boboḷ inta ain ginamá monia kon batúannea. Bayongan naa posarakandon nami kon i Tuhan mobaḻí sosumba nami sinbá Sia umuran moḷukad kon inami.”

EPESUS 6:9

Bo moiko utat mita inta nobaḻí tuang! Mokopopiabí kon gina kon i atamu mita. Donaaibí tantú mopogogondok kon i monia. Sinbá kotaauan monimu, kon iko bo ki atamu mita tua in tongábí tobatú in Tuang monimu, Sia tuata in ki Tuhan inta kon soroga. Sia in diábí mopoyoposi kon intau.

KOLOSE 3:25

Bo ki inekabí in mogaid kon noitaḷá yo siabí in motanggung kon taḷánea mita tatua; sin diábí piḻían i Tuhan in intau.