IḶUAIAN 30:13 - Alkitab Singog In Mongondow Masa In Tanaa

¹³ Bayongan intau inta iapondon kon pogiapan tatua musti moguboḻi podudui in boḻi inta ain sinantú kon Ḷoḷaigan-Ku mobaḻí salehe inta tongá poyaput kon i-Nakó.

IḶUAIAN 30:13 Mawu Ofanana

KINOBAḺIAN 23:15

“Butá inta boḻinea tongá opat nogatut doit saḷaka–onubí in mangaḻenea intua kon i natonda? Ḷobongdon ki buḷoi tuang kon tua.”

DATU MITA 2 12:4

Kon singgai tobatú ki Yoas nogoiní kon imang mita bo pinoki tagúannea in doit inta nouḻí nongkon sosumba mita kon Baḷoi Tuhan, pinomayá doit inta pinoguboḻi kon pinopobogoian in kuruban, andeka doit inta sinantúbí inogoi takin ibog tontaní.

DATU MITA 2 12:5

Kon batúan in imang musti monotaau kon doit inta pinosumba in bayongan in umat. Doit tatua in pakéon ponompia kon onu inta nogoguyaat kon Baḷoi Tuhan.

IḶUAIAN 30:14

Komintan intau inta iapon kon bonu in pogiapan tatua, ḷoḷaki inta umurdon doyowa nopuḷú notaong bo namonik, yo musti mobogoi in salehe sinondí tua.

IḶUAIAN 38:24

Buḷawan inta pinosumba kon i Tuhan sin pogaid kon Ḷoḷaigan Motusi, kobogatnea komintan in 1.000 nokilo, sinimbang podudui in simbangan inta pinaké kon Ḷoḷaigan i Tuhan.

IḶUAIAN 38:26

Kobayongnea tatua notongkai in onu inta inuboḻian in bayongan intau podudui in kobayong intau inta iniap tungkuḷ intua. Bayongan intau moguboḻi pinodudui kon onu inta ain sinantú, sinimbang podudui in simbangan inta pinaké. Kon bonu in pinogiapan tatua pinais in kobayong intau ḷoḷaki inta umur doyowa nopuḷú notaong bo namonik in 603.550 in kobayongnea.

YEHEZKIEL 45:12

Pononimbanganmu in mustibí nanaa: 1 syikal notongkai in 20 gera 1 mina notongkai in 60 syikal

IMAMAT 27:25

Boḻinea komintan musti tantúon podudui in boḻi inta sinantú kon Ḷoḷaigan i Tuhan.

IMAMAT 27:3

podudui in boḻinea inta sinantú kon Ḷoḷaigan i Tuhan: – kon ḻimonik in umur onom nopuḷú notaong: aka ḷoḷaki mopuḷú bo ḻima in doit saḷaka bobay mopuḷú in doit saḷaka – kon sigad in umur doyowa nopuḷú notaong dapot in onom nopuḷú notaong: ḷoḷaki: ḻima nopuḷú in doit saḷaka bobay: toḷu nopuḷú in doit saḷaka – kon sigad in umur ḻima notaong dapot in doyowa nopuḷú notaong: ḷoḷaki: doyowa nopuḷú in doit saḷaka bobay: mopuḷú in doit saḷaka – umur ḻima notaong bo namonag: ḷoḷaki: ḻima in doit saḷaka bobay: toḷu in doit saḷaka

IMAMAT 5:15

Aka intau tobatú takin diá sinumuod bo ain noiḷaut in nogaid kon dosa sin nokoḻiong nobogoi in sosumbanea mita inta ain sinantú ogoi kon i Tuhan, dá intau tatua in musti modia kon kuruban mobaḻí toḻiu in karugian. Kuruban tatua musti domba tobatú ande bembé koḷakian inta totok in mopia, bo iapon podudui kon boḻinea inta sinantú kon Ḷoḷaigan i Tuhan.

PINOGIAPAN 18:16

Adí mita musti tobuton kon dodai in mosia umurdon tobuḷan. Boḻinea inta ain sinantú kon tua in ḻima in doit saḷaka, podudui in boḻi inta pinaké kon Ḷoḷaigan-Ku.

PINOGIAPAN 3:47

Batúan in adí tobuton monimu in doit saḷaka ḻima podudui in boḻinea inta sinantú kon Ḷoḷaigan-Ku;

MATIUS 17:24

Naonda in ki Yesus bo murí-Nea mita noidapot kon Kapernaum, namangoidon in mononagi kon pajak in Baḷoi Tuhan kon i Petrus bo noguman, “Ki Gurumu noguboḻi degá kon pajak in Baḷoi Tuhan andeka diá?”

MATIUS 21:12

Kon tua ki Yesus sinumuot kon Baḷoi Tuhan bo noguntun kon intau mita inta nopotaḷui kon tua. Binaḻikuat-Nea mita in meja inta pononoḻiuan kon doit bo bangko mita in intau inta mopopotaḷui in ḷagapan paḷoma.

MATIUS 27:24

Naonda in kinotaauan i Pilatus kon diádon sia mokobayow kon i monia tua, nodapot in momangkoidon mokacau totok, dá sia in nogamá kon tubig bo nonomok kon tayowon in intau moantó bo noguman, “Diábí in taḷáku kon dugú in intau tanaa! Tua in urusanbí monimu tontaní!”