IḶUAIAN 3:13 - Alkitab Singog In Mongondow Masa In Tanaa

¹³ Ki Musa in notubag, “Táe aka akuoi mayá mokipodungkuḷ kon intau mita Israel bo moguman kon i monia: ‘Ki Allah in mogoguyangmu nopotabádon kon inakó namangoi kon i monimu,’ yo tantú mosia in moḻibóbí, ‘Ki ine in tangoinea?’ Yo onu in potubagku kon i monia?”

IḶUAIAN 3:13 Mawu Ofanana

KINOBAḺIAN 32:29

Ki Yakub in noguman, “Pogumandon tangoi Tuang.” Táe intau tatua notubag, “Diábí paraḷu iko moḻibó mongo ki ine in tangoiku!” Bo binarakatanneadon in ki Yakub.

IḶUAIAN 15:3

Ki Tuhan in pojuang inta totok moropot, Ki Tuhan, tuata in tangoi-Nea.

IḶUAIAN 3:12

Ki Allah in notubag, “Akuoi in motuḷungbí kon inimu. Bo aka bangusa tatua diaanmudon ḷumuai nongkon Mesir, yo moiko in mosumbadon kon i-Nakó kon buḷud tanaa. Tuadon in mobaḻí tanda kon Akuoibí in nopotabá kon inimu.”

IḶUAIAN 3:14

Guman i Allah, “Akuoi in AKUOIBÍ INTA OYÚON. Naa in musti singogonmu kon bangusa Israel, Sia inta sinangoi AKUOI INTA OYÚON, ain nopotabá kon inakó namangoi kon i monimu.

IḶUAIAN 3:15

Potaau domandon kon i monia kon Akuoi, Tuhan, ki Allah in mogoguyang monia, ki Allah i Abraham, i Ishak bo i Yakub, nopotabá kon inimu namangoi kon i monia. Akuoibí naa in ki Tuhan, tuata in tangoi-Ku mononoi. Tuata in ponangoi kon i-Nakó kon bayongan bangusa dapot in adí bo ompu.

IḶUAIAN 7:16

Pogumandon kon i datu tatua: Ki Tuhan, ki Allah intau Ibrani, nopotabá kon inakó sin mopotaau kon i Tuangku sinbá ogoimudon umat-Nea mayá mosumba kon i-Nia kon padang gurun. Táe umaain tanaa ki Tuangku doí mokidongog.

AMSAL 30:4

Intaubí táonda in nokoimontandon in noponik noponag kon soroga? Nokoimontandon degá in sia norangkom mako kon tompot, bo mopobakut in ḷambungnea kon tubig, andeka nonantú kon sigad mita in dunia? Ki ine in sia, bo ki ine in ki adínea? Notantúbí kon kinotaauanmu!”

YESAYA 52:6

Tuamai in moiko in mongakubí kon Akuoi in Allah, bo kon dodai intua kotaauandon monimu kon Akuoibí inta nosingog kon inimu.”

YESAYA 7:14

Tanaa, ki Tuhan tontaní in mobogoi in tomponuot kon inimu: Mongodeaga tobatú inta sidia in mopononggadíbí in ḷoḷaki tobatú inta sinangoiannea Imanuel.

YESAYA 9:6

Sia in momarenta saḷaku datu buí i Daud, kawasaannea totok in moḷoben. Butánea in umuran modame bo mobiag mooyúon; pomarentaannea in pinodoyon kon hukum bo koadilan tanaa mako modapot in mononoi. Ki Tuhan Inta Totok in Mokawasa notantúbí kon mogaid kon tua.

YEREMIA 23:6

Aka momarenta in sia, intau in Yohuda in mosaḷamatbí, bo intau in Israel in mobiagbí moaman. Datu tatua in tangoionbí ‘Tuhan kasaḷamatan naton’.

MATIUS 1:21

Sia in mopononggadí in adí ḷoḷaki bo Sia tangoianmu ki Yesus, sin Sia tuata inta moposaḷamat kon umat mita baradosa.”

MATIUS 1:23

“Tobatú mongodeaga in modia kon sian bo mopononggadí kon tobatú adí ḷoḷaki bo adí tatua tangoian monia ki ‘Imanuel’, inta mangaḻenea: Ki Allah kotaki-takin naton.”

OUMAN IN RASUL MITA 3:13

Ki Allah inta sinumba i Abraham, i Ishak, i Yakub bo in mogoguyang naton tua in ki Allahbí inta nopomulia kon simpaḷ-Nea inta ki Yesus Kristus. Ki Yesus tua inta pinosarakan bo inta diá sinarima monimu kon tayowon i Pilatus umpakabí kai Pilatus in buḻiandon in Sia.

HAKIM MITA 13:6

Nopaḷut mako kon tua ki buḷoi Manoah minayá kon i buḷoinea bo noguman, “Uḻe, totabá i Allah in namangoi kon inakó; batangannea in ná malaekat i Allah, dá inagían in ondok in akuoi. Diábí in akuoi noḻibó mongo nongkon onda in sia, bo diábí doman pinogumannea in tangoinea kon inakó.