IḶUAIAN 29:9 - Alkitab Singog In Mongondow Masa In Tanaa

⁹ bo baan kon i monia, bo bogot in uḷu popotogot domandon kon uḷu monia. Natuata in pododuí kon i Harun bo kon i adínea mita. Mosia bo buí monia in musti mobantung kon i-Nakó mobaḻí imang inta mononoi.

IḶUAIAN 29:9 Mawu Ofanana

IḶUAIAN 27:21

Ki Harun bo ki adínea mita musti umuran moindoi kon togá tatua nongkon ḷoḷabungnea dapot in doḷo-doḷom kon tampat inta koangoian-Ku, kon ḷuai in kaeng inta noibambé kon tayowon in Poti Dodandian. Parenta tatua in mobaḻí parenta inta mononoi kon intau in Israel bo kon bayongan in buí monia.”

IḶUAIAN 28:1

“Oinídon in ki Harun ki guya-guyangmu takin ki adí mita ki Nadab, ki Abihu, ki Eleazer bo ki Itamar, potondídon in mosia sinbá motaau mobantung kon i-Nakó mobaḻí imang.

IḶUAIAN 32:29

Ki Musa in noguman kon suku in Lewi, “Singgai in naa moiko ain nopotondí in awak monimu mobaḻí imang inta nogaid kon oaidan i Tuhan takin noḻimod kon adí mita bo kon i utat mita monimu, dá ki Tuhan nobogoi in barakat-Nea kon inimu.”

IḶUAIAN 40:15

Bo butakai domandon in ḷana in mosia ná ki amá monia, sinbá mosia mobaḻí doman imang inta mogundoi kon i-Nakó. Pinongin mopobutak in ḷana ná tatua, suku monia in umurandon mobaḻí imang modapot kon adí bo ompu monia”.

IMAMAT 8:1

Ki Tuhan noguman kon i Musa,

IMAMAT 8:13

Bo ki Musa in nogoiní kon i adí mita i Harun namangoi in muna. Pinopopakéneadon kon i monia in ḷambung bo togot in ogotan. Bo pinopobogotneadon in bogot in uḷu kon i monia ná inta ain pinoki aid i Tuhan kon inia.

IMAMAT 8:33

Kon bonu in pitu nosinggai moiko in diábí motaau in monaḷámai kon Ḷoḷaigan i Tuhan dapot in upacara pomaḻían imang kon inimu tatua mopaḷut.

PINOGIAPAN 16:10

Iko, Korah, bo bayongan intau in Lewi aindon nokouḻí kon kahoromatan tatua nongkon i Tuhan – bo tanaa moiko in monuntut sinbá baḻíon doman imang!

PINOGIAPAN 16:35

Bo ki Tuhan nopoangoi in tuḷú inta nomokak kon doyowa nogatut bo ḻima nopuḷú in intau inta noposumba in dupa tatua.

PINOGIAPAN 16:40

Tua in nobaḻí tompoingat kon bangusa Israel kon koḻikud in buí i Harun, diábí in tobatúmai in intau motaau mamangoi kon mezbah i Tuhan sin motubá kon dupa posumba kon i Tuhan. Intau inta ḻimimpat kon atorang tatua in yopúonbí ná ki Korah bo dumoduduinea mita. Bayongan tua inaidan pinodudui kon ná inta pinarenta i Tuhan kon i Eleazar pinongin i Musa.

PINOGIAPAN 18:7

Táe tongábí iko bo adímu mita in motaau mopobayá in oaidan in imang, kon bayongan oaidan inta noyotogot in mezbah bo onu inta kon Yuang Motusi. Tuata in kon bonu in totaaumu, sin Akuoi ain nomaḻí kon inimu imang. Bayongan intau inta diá inogoian in hak tatua yo hukumon matoi aka dimiug kon barang mita inta motusi tatua.”

PINOGIAPAN 25:13

Sia bo buínea in tantúon-Kudon umuran mobaḻí imang, sin sia aindon noramuji totok noguntu kon kahoromatan-Ku, ki Allahnea, bo ain doman nomia kon pondamean kon dosa in intau Israel.”

PINOGIAPAN 3:10

Táe ki Harun bo ki adínea mita in musti baḻíon-Ku imang sin mogaid kon oaidan-Ku, koḻikud in mosia, yo ki ineka in monungkuḷ mopobayá in oaidan tatua musti hukumon dapot in matoi.”

ULANGAN 18:5

Nongkon bayongan in suku Israel, ki Tuhan Allahmu ain nomiḻí kon suku in Lewi nobaḻí imang modapot kon adí bo ompu.

IBRANI 5:10

Bo ki Allahbí tontaní in nopobaḻí kon i-Nia saḷaku Imang Moḷoben, ná ki Imang Melkisedek tua!

HAKIM MITA 17:5

Ki Mikha naa in koyongandon oyúon in tobatú tampat pososumbaannea. Sia in nomia kon tongonumai in patong berhala bo todit in epod bo noduí kon i adínea ḷoḷaki tobatú nobaḻí imang.

SAMUEL 1 2:30

Akuoi, ki Tuhan Allah in Israel, koḻipod ain nodandi, kon motoḷuadímu bo bui inanakanmu in mogundoi kon i-Nakó mobaḻí imang mononoi. Táe tanaa in kinodoí-Kudon intua! Sin ki inta mohoromat kon i-Nakó in horomaton-Kubí táe inta mopoonagmai kon i-Nakó, in pokoonag-Kubí doman.