IḶUAIAN 29:7 - Alkitab Singog In Mongondow Masa In Tanaa

⁷ Bo gamádon in ḷana pakéon kon upacara, pobutak intua kon uḷunea bo ḷoḷubuai in ḷana in sia.

IḶUAIAN 29:7 Mawu Ofanana

MAZMUR 133:2

Naonda bo ḷana mobondu inta koboḻi inta pinobutak kon uḷu i Harun, bo notait monag kon krak in ḷambungnea.

MAZMUR 89:20

Dungkuḷmai kon bonu in oontongon tobatú, Iko in noguman kon mogogundoi-Mu inta motoḷutui, “Akuoi ain notuḷung kon pahlawan tobatú, intau tobatú inta piniḻí-Ku nongkon rayat inta ain pinoḷantud-Ku.

IḶUAIAN 28:41

Popoḷutudon in pakeang tatua kon i Harun ki utatmu bo kon i adínea mita. Toguḷuai in mosia in ḷana zaitun; tuata in pomiaan monimu sinbá mosia motaaudon mogaid kon oaidan-Ku mobaḻí imang.

IḶUAIAN 40:13

Ḷutudaidon in pakeang imang kon i Harun, bo butakaidon in ḷana upacara in sia sinbá sia tantúondon tongá mogundoi kon oaidan-Ku mobaḻí imang.

YESAYA 61:1

Kawasa i Tuhan Inta Totok in Moḷantud oyúon kon inakó; Sia in nomiḻí bo nopotabá kon inakó sin modia kon habar mopia kon intau nobogá bo moḻipoi kon intau inta nokuyang in ginanea, sin mopotaau kon intau inta sinokodakop kon mosia in ḷagidon poḷuaton, bo kon intau mita kon bonu in ponjara kon mosia in ḷagidon poḷuaion.

IMAMAT 10:7

Dika monaḷámai kon Ḷoḷaigan i Tuhan sinbá diá matoi in moiko, sin moiko aindon binaḻí imang takin ininggúan in ḷana upacara sin mogaid kon oaidan i Tuhan.” Mosia in nogaid kon ná inta ain pinoguman i Musa.

IMAMAT 21:10

Imang Moḷoben ain binaḻí imang takin binutakan in ḷana upacara kon uḷunea bo iḷutudan in pakeang imang moḷoben in sia. Tuamai sia in diá bidon motaau mopomayá mako in buoknea mokitu ande momerak kon ḷambungnea mobaḻí tanda kinopatoian.

IMAMAT 7:35

Nongkon kaanon inta pinosumba kon i Tuhan, tuata in inogoinea kon i Harun bo kon i adínea mita kon singgai kon tungkuḷ in mosia baḻíondon imang.

ZAKHARIA 4:14

Dá sia in noguman bui, “Tua in intau doyowa inta ain piniḻí i Tuhan inta nomaḻí kon dunia naa bo inta sinundú sin mogundoi kon i-Nia.”

PINOGIAPAN 35:25

Poyodungkuḷan in umat musti moḷukad kon intau inta diá sinumontuon noḻimod tatua kon gogondok in ginaḷum in intau inta kinoḻimodan tatua. Intau tatua musti diaan bui pobayá in kotá pogogadopan, tampat pinoḷaguiannea tatua. Musti in sia mogutun kon tua modapot in intau inta tungkuḷ intua nobaḻí Imang Moḷoben matoidon; bain tua bo motaaudon in sia mobui kon ḻipúnea tontaní. Tongá aka sia monaḷámai kon kotá pogogadopan inta pinoḷaguiannea tatua, bo noyodungkuḷbí bo poḷat iḻimod in ginaḷum in intau inta kinoḻimodan tatua, dá aid notuḻí tatua in deemanbí pinoḻimodan.

YOHANES 3:34

Sin ki ine in pinotabá i Allah, dá siabí tua in mopoyaput in pirman i Allah, sin sia in kinawasa bidon in Roho i Allah.

YOHANES 1 2:27

Táe aka soaḷ moiko nion ain bidon inogoian i Kristus in Roho-Nea. Bo kon dodai in Roho tatua mongawasapa kon i monimu, diá bidon paraḷu in intau ibanea in motundú kon i monimu, sin Roho bidon tatua in motundú kon bayongan yagi-yagi kon i monimu. Bo onu in tundúon-Nea totuubí intua deemanbí tongá uboḷ. Tuamai tantúdon dudui kon onu inta ain sinundú-Nea tua kon i monimu bo umurandon kobiag motobatú takin i Kristus.