IḶUAIAN 29:4 - Alkitab Singog In Mongondow Masa In Tanaa

⁴ Potabádon in ki Harun bo ki adínea mita mamangoi kon ngara in Ḷoḷaigan-Ku bo mondarit kon awak.

IḶUAIAN 29:4 Mawu Ofanana

IḶUAIAN 26:36

Pomiaaidon kon toḻipoi inta pakéon kon ḷoḻingkop in Ḷoḷaigan, pomia nongkon kaeng moaḷus inta sinuji takin kaeng wol nobidu, nokamumu bo nopura, iḷambáan in borénea mita.

IḶUAIAN 29:3

Bonu intua kon kompé bo posumba intua kon i-Nakó poyotakinon in kuruban sapi koḷakian bo domba koḷakian doyowa.

IḶUAIAN 40:12

Mopaḷut mako kon tua, potabádon in ki Harun bo ki adínea mita mamangoi kon ngara in Ḷoḷaigan bo mondarit kon awak.

IḶUAIAN 40:28

Binambé domandon i Musa in toḻipoi ngara in Ḷoḷaigan,

IḶUAIAN 40:32

pomuḷoi in mosia tumuot kon bonu in Ḷoḷaigan i Tuhan ande dimiug kon mezbah.

YEHEZKIEL 36:25

Mopaḷut mako kon tua moiko in pisikan-Ku in tubig inta mosilang, sinbá modaritdon nongkon bayongan in berhalamu bo nongkon bayongan yagi-yagi inta ain nokokotor kon i monimu.

YEHEZKIEL 42:14

Aka imang mita mopaḷutdon mopobayá in oaidan kon Baḷoi Tuhan, bo moibog mayá in dangkuḷon kon dotá in ḷuai, dá pakeang inta ain sinantú pakéon kon dodai in mogundoi yo musti taḷaan monia kon gopot mita tatua. Mosia in mustibí momaké in ḷambung ibanea, bain tua bo motaau in mosia mayá in tampat inta pinoyosipunan in rayat.”

IMAMAT 14:8

Onda intua intau tatua musti momatá kon pakeangnea, mokigonsing bodongka moinggú. Dá modaritdon in sia, bo motaaudon tumuot kon ḷoḷaigan, táe kon bonu in pitupa nosinggai bui sia in diápa motaau tumuot kon ḷoḷaigannea tontaní.

PINOGIAPAN 8:9

Onda intua sipun in bayongan umat Israel bo bayongan intau in Lewi bo simindog kon tayowon in Ḷoḷaigan-Ku.

EPESUS 5:26

Inaidan i Kristus intua sinbá motaau-Nea daritan in jamaat tatua takin totundú-Nea bo takin tubig inta pobaptis, sinbá motaaudon posarakan-Nea kon i Allah.

ULANGAN 23:11

Naonda in moḷoḷabungdon sia in musti moinggú bo naonda in tumoyopdon mata in singgai sia motaaudon bui mayá in ḷoḷaigan.

TITUS 3:5

Sia in noposaḷamat kon i naton, táe deemanbí popisí in kita ain nogaid kon inta mopia, táe popisíbí in tabi-Nea kon i naton. Sia in noposaḷamat kon i naton takin Roho i Allah inta ain nobogoi kon i naton in kolahiran bo kobiagan mobagu takin cara nondarit kon i naton.

IBRANI 10:22

Tuamai, koḻigai dimiugdon in kita kon i Allah takin gina motuḻid bo totu-totuudon mopirisaya sin gina naton in dinaritandon nongkon raian mita inta mongoraat, bo awak naton in dinaritan domandon in tubig inta modarit totok.

PETRUS 1 3:21

Dá bá kotaauandon monimu kon onu inta nobaḻídon tatua nobaḻí oḻinow in baptisan inta nokosaḷamat kon i monimu tanaa. Baptisan tatua in deeman tobatú upacara pondaritan kon bayongan inta nokotor kon awak, táe tua in dodandianbí kon i Allah inta nongkon bonu in ginamu inta mopia. Baptisan tatua in mokosaḷamat kon i monimu sin ki Yesus Kristus ain nobiag bui nongkon kinopatoian,