IḶUAIAN 29:34 - Alkitab Singog In Mongondow Masa In Tanaa

³⁴ Aka mobangon monik bo oyúonpa in ki agat in ponoyá ande roti tatua, dá kiagatnea tatua musti tubáan modait, bo diábí motaau kaanon, sin ain pinotontaní.

IḶUAIAN 29:34 Mawu Ofanana

IḶUAIAN 12:10

Dika taḷaan topiḻikmai in tapú tatua modapot in doḷo-doḷom; aka oyúon in kiagatnea, musti tubáan kopayongon.

IḶUAIAN 16:19

Ki Musa in noguman kon i monia, “Ki inekabí diábí motaau motagú kon kaanon tatua tongákabí topiḻik sin kaanon mopoikoḷomai kon singgai.”

IḶUAIAN 23:18

Donaai moposumba in roti inta iragian kon dodai in moiko mopokuruban in bobiagon monimu kon i-Nakó. Ḷongó in biag inta pinokuruban monimu kon i-Nakó kon dodai in porayaan mita tatua diábí motaau in taḷaan modapot in mobangon monik.

IḶUAIAN 29:22

Gamádon ḷongó in domba koḷakian tatua, iputnea inta oyúon in ḷongó, gaipan ḷongó nongkon bonu in siannea, onu inta totok in mopia nongkon podilatnea, kombiloinea doyowa takin ḷongónea, bo paanea koḷanan.

IḶUAIAN 29:26

Gamádon dodob in domba koḷakian tatua bo posumbadon mobaḻí sosumba inta potamad kon i-Nakó. Bo tuata in silaimu.

IḶUAIAN 29:28

Naadon in simpod in singog-Ku inta diá motaau baḷuian: Kon dodai in umat-Ku mamangoi moposumba in kuruban dodamean, dodob bo paa in biag tatua in nobaḻí silai in imang mita. Tuata in sosumba in umat-Ku kon i-Nakó.

IḶUAIAN 34:25

Kon tungkuḷ in moiko moposumba in biag iratá, dika moposumba in onuka inta pinomia nomaké in ragi. Biag inta iratá inta pakéon pokuruban kon porayaan Paska musti kodaiton doḷom doman tua; diá motaau in tonggagatan dapot in mobangon monik.

IMAMAT 10:16

Onda intua ki Musa in noḻibó soaḷ bembé inta baḻíon kuruban potobut kon dosa. Pinotaaudon kon inia kon bembé tatua aindon sinubá. Aid tatua nokopomuká kon torú i Musa kon i Eleazer bo kon i Itamar, bo sia noḻibó kon i monia,

IMAMAT 8:32

Ki agat in ponoyá bo roti tatua musti tubáan monimu kopayongon.